ஜப்பானில் நடைபெற்று வரும் ஆசிய விளையாட்டு போட்டியில் மேலும் 3 பதக்கங்களை இந்தியா வென்றுள்ளது.
ஜப்பான் நாட்டின் நகோயா நகரில் ஆசிய விளையாட்டு போட்டி நடந்து வருகிறது. இந்த போட்டியில் ஆசியாவை சேர்ந்த 45 நாடுகளின் வீரர்கள் கலந்துகொண்டு விளையாடி வருகின்றனர். இன்று காலை நடைபெற்ற ஆடவர் 10 மீட்டர் ஏர் ரைபிள் குழு போட்டியில், இந்தியாவை சேர்ந்த ருத்ராங்க்ஷ் பாட்டீல், ஹிமான்ஷூ தில்லன் மறும் பார்த் மானே ஆகிய மூவர் அணி 1890.1 என்ற புள்ளிகளுடன் வெள்ளி பதக்கத்தை வென்றது.
ஆடவர் 10 மீ., ஏர் ரைபிள் பிரிவில் இந்தியாவின் ஹிமான்சு தில்லான் வெள்ளியும், மற்றொரு இந்திய வீரர் ருத்ரான்ஷ் பாட்டீல் வெண்கலமும் வென்றுள்ளனர்.
இதேபோல, தற்காப்பு கலை பிரிவில் இந்திய வீராங்கனை சுசித்கா தரியால் வெண்கலம் கைப்பற்றினார். ஆசிய விளையாட்டில் தற்காப்பு கலை பிரிவில் இந்தியா பதக்கம் வெல்லுவது இதுவே முதல்முறையாகும். இதுவரை இந்தியா 4 வெள்ளிப்பதக்கம், 2 வெண்கலம் என மொத்தம் 6 பதக்கங்களை வென்று பதக்கப்பட்டியலில் 10வது இடத்தில் உள்ளது.
