ஹரியானாவில் 200 அடி ஆழ்துளைக் கிணற்றில் இருந்து மீட்கப்பட்ட 3 வயது சிறுமி மருத்துவமனையில் சிகிச்சை பலனின்றி உயிரிழந்த சம்பவம் சோகத்தை ஏற்படுத்தியுள்ளது.
ஹரியானா மாநிலம், பரிதாபாத் அருகே உள்ள சீஹி கிராமத்தைச் சேர்ந்த 3 வயது சிறுமி, வீட்டின் அருகே விளையாடிக்கொண்டிருந்தபோது அங்கிருந்த ஆழ்துளைக் கிணற்றில் தவறி விழுந்துள்ளார்.
மாலை 6 மணியளவில் இந்த சம்பவம் நிகழ்ந்த நிலையில், 9 மணிக்கு தேசிய பேரிடர் மீட்பு படையினர் சம்பவ இடத்திற்கு வந்தனர்.
சுமார் 10 மணி நேர போராட்டத்திற்கு பிறகு அதிகாலை சிறுமி உயிருடன் மீட்கப்பட்டார். உடனடியாக சிறுமி மருத்துவமனையில் அனுமதிக்கப்பட்ட நிலையில், அங்கு சிகிச்சை பலனின்றி அவர் உயிரிழந்தார்.
பல மணிநேர போராட்டத்திற்குப் பிறகு சிறுமி உயிருடன் மீட்கப்பட்டபோதிலும், சிகிச்சை பலன் அளிக்காமல் உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.
