போக்சோ வழக்கில் கைது செய்யப்பட்டு சிறையில் உள்ள ஜெம் கிரானைட் உரிமையாளர் வீரமணியின் நீதிமன்றக் காவலை அக்டோபர் 23-ஆம் தேதி வரை நீட்டித்து சென்னை போக்சோ சிறப்பு நீதிமன்றம் உத்தரவிட்டுள்ளது.
சிறுமிகளைப் பாலியல் வன்கொடுமைக்கு உள்ளாக்கியதாக வீரமணி மீது 5 வழக்குகள் பதிவு செய்யப்பட்டுள்ளன.
இந்த வழக்குகளில், கடந்த ஆகஸ்ட் 29ஆம் தேதி பதிவு செய்யப்பட்ட முதல் வழக்கில் கைது செய்யப்பட்ட வீரமணி, நீதிமன்றக் காவலில் புழல் சிறையில் அடைக்கப்பட்டுள்ளார்.
அவரது நீதிமன்றக் காவல் முடிவடைந்த நிலையில், புழல் சிறையிலிருந்து காணொளிக் காட்சி மூலம் நீதிமன்றத்தில் ஆஜர்படுத்தப்பட்டார்.
இதையடுத்து, வீரமணியின் நீதிமன்றக் காவலை அக்டோபர் 23ஆம் தேதி வரை நீட்டித்து நீதிபதி பத்மா உத்தரவிட்டார்.
