இந்திய தலைமை குறித்து சர்ச்சைக்குரிய வகையில் கருத்து தெரிவித்த ஸ்பேஸ் எக்ஸ் நிறுவனர் எலான் மஸ்கிற்கு ZOHO நிறுவனர் ஸ்ரீதர் வேம்பு கடும் கண்டனம் தெரிவித்துள்ளார்.
பிரதமர் நரேந்திர மோடி தலைமையில், இந்தியாவின் சாதனைகளை ZOHO நிறுவனர் ஸ்ரீதர் வேம்பு பட்டியலிட்டுள்ளார்.
அதில், உலகிலேயே மிகக் குறைந்த விலையில் டேட்டா மற்றும் மருந்துகள் கிடைக்கும் நாடுகளில் இந்தியாவும் ஒன்று எனவும் தெரிவித்துள்ளார்.
யுபிஐ மூலம் பணம் செலுத்தும் முறைகளில், உலகிலேயே மிகக் குறைந்த கட்டண முறை உள்ள நாடுகளில் இந்தியாவும் ஒன்று எனவும் கூறியுள்ளார்.
மறுபுறம், அமெரிக்க சந்தையில் சீனாவின் போட்டியிலிருந்து டெஸ்லா பாதுகாக்கப்படுவதால், மற்ற இடங்களை விட அமெரிக்காவில் மின்சார வாகனங்களின் விலை அதிகமாக உள்ளதாகவும் ஸ்ரீதர் வேம்பு சுட்டிக்காட்டி உள்ளார்.
சராசரி இந்தியருக்குப் பலன்கள் சென்றடையும் வகையில், போட்டித்தன்மை வாய்ந்த பொருளாதாரத்தை உருவாக்க பிரதமர் மோடி கடுமையாக உழைத்துள்ளதாகவும் தெரிவித்துள்ளார்.
மோடி அரசு ஏகபோகங்களைச் சகித்துக்கொள்வதில்லை என்றும் ஸ்டார்ட்அப் நிறுவனங்களின் மிகப்பெரிய எழுச்சியைத் தீவிரமாக ஊக்குவித்துள்ளதாகவும் குறிப்பிட்டுள்ளார்.
மோடி அரசின் கொள்கையின் நேரடி விளைவாக, இந்திய ஸ்டார்ட்அப் நிறுவனங்கள் குறைந்த விலை ராக்கெட் தயார் செய்வதில் பெரும் முன்னேற்றம் கண்டு வருவதாகத் தெரிவித்துள்ளார்.
இது ஸ்பேஸ் எக்ஸுக்கு ஓர் அச்சுறுத்தலாக விளங்குவதாகவும், இதேபோல் சீன மின்சார வாகனங்கள் டெஸ்லாவுக்கு அச்சுறுத்தலாக உள்ளதாகவும், இவைதான் உண்மைகள் என்றும் எலான் மஸ்கிற்கு ஸ்ரீதர் வேம்பு பதிலடி கொடுத்துள்ளார்.
