அரசியலமைப்பை சீர்குலைக்க நினைத்தால் கடும் விளைவுகளைச் சந்திக்க நேரிடும் என ராகுல் காந்திக்கு பாஜக தேசிய தலைவர் நிதின் நபின் எச்சரிக்கை விடுத்துள்ளார்.
டெல்லியில் செய்தியாளர்களிடம் பேசிய நிதின் நபின், உயர் பதவிகளில் இருப்பவர்களை இழிவுபடுத்தும் வகையில் செயல்படுவதை மக்கள் பொறுத்துக் கொள்ள மாட்டார்கள் என்று தெரிவித்தார்.
கடந்த 12 ஆண்டுகளாக பிரதமர் நரேந்திர மோடி தலைமையில், நாட்டில் நிலவிய அச்சமான சூழலை மாற்றி, பயங்கரவாதம் மற்றும் நக்சலிசத்தை வேரோடு ஒழிக்க நடவடிக்கை எடுக்கப்பட்டு வருவதாகத் தெரிவித்தார்.
எனினும், நாட்டை சீர்குலைக்க நினைக்கும் நகர்ப்புற நக்சல் மனப்பான்மை கொண்டவர்கள் இன்னும் இருப்பதாகவும், ராகுல் காந்தியின் நோக்கங்கள் ஒருபோதும் வெற்றி பெறாது என்றும் நிதின் நபின் குறிப்பிட்டார்.
ராகுல் காந்தி, அரவிந்த் கெஜ்ரிவால், இண்டி கூட்டணியினர் மற்றும் சி.ஜே.பி. அமைப்பினர் பயன்படுத்தும் வார்த்தைகளை இந்திய இளைஞர்கள் கவனித்து வருவதாகவும், நாட்டின் கலாசாரம், ஜனநாயகம் மற்றும் அரசியலமைப்புடன் இந்திய இளைஞர்கள் ஆழமான பிணைப்பைக் கொண்டவர்கள் என்றும் நிதின் நபின் தெரிவித்தார்.
