பூந்தமல்லி புறவழிச்சாலை – வடபழனி மெட்ரோ ரயில் சேவை; அட்டவணை வெளியீடு

பிரதமர் மோடி தொடங்கி வைக்க உள்ள பூந்தமல்லி புறவழிச்சாலை – வடபழனி மெட்ரோ ரயில் சேவையின் நேர அட்டவணை வெளியிடப்பட்டுள்ளது.

பூந்தமல்லி புறவழிச்சாலை முதல் வடபழனி வரையிலான 15 கிலோ மீட்டர் நீளத்திற்கு மெட்ரோ ரயில் சேவை பயன்பாட்டுக்கு தொடங்கி வைக்கப்பட உள்ளது.

பூந்தமல்லி புறவழிச்சாலை, பூந்தமல்லி பேருந்து நிலையம், பூந்தமல்லி அரசு மருத்துவமனை, கரையான் சாவடி, குமணண் சாவடி,

காட்டுப்பாக்கம், அயப்பன்தாங்கல் தெள்ளியாரகரம், போரூர் புறவழிச்சாலை, போரூர் சந்திப்பு மற்றும் வடபழனி ஆகிய 11 மெட்ரோ நிலையங்களில் ரயில்கள் இயக்கப்பட உள்ளன.

தொடக்க நாளில் மட்டும் மாலை 4 மணி முதல் இரவு 9 மணி வரை மெட்ரோ ரயில் சேவை இயக்கப்பட உள்ளது.

அதனைத் தொடர்ந்து, திங்கள் முதல் தினந்தோறும் காலை 7 மணி முதல் இரவு 9 மணி வரை மெட்ரோ ரயில் சேவைகள் இயக்கப்படும்.

திங்கள் முதல் சனிக்கிழமை வரை, நெரிசல் மிகுந்த நேரங்களான காலை 8 மணி முதல் 11 மணி வரையிலும், மாலை 5 மணி முதல் இரவு 8 மணி வரையிலும், 10 நிமிட இடைவேளையில் ஒரு மெட்ரோ ரயில் இயக்கப்பட உள்ளது.

காலை 7 முதல் காலை 8 மணி வரை, காலை 11 மணி முதல் 5 மணி வரை, இரவு 8 முதல் இரவு 9 மணி வரை, 15 நிமிடத்திற்கு ஒரு ரயில் இயக்கப்படும் என அறிவிக்கப்பட்டுள்ளது.

ஞாயிறு மற்றும் விடுமுறை நாட்களில் காலை 7 மணி முதல் 9 மணி வரை, 15 நிமிட இடைவேளையில் மெட்ரோ ரயில்கள் இயக்கப்படும் என அட்டவணையில் தெரிவிக்கப்பட்டுள்ளது.