விழுப்புரம் மாவட்டம் மேல்மலையனூர் அங்காளம்மன் கோயிலில் நடைபெற்ற மகாளய அமாவாசை ஊஞ்சல் உற்சவத்தில், லட்சக்கணக்கான பக்தர்கள் பங்கேற்று அம்மனை தரிசனம் செய்தனர்.
மகாளய அமாவாசையை முன்னிட்டு, அங்காளம்மனுக்கு பால், தயிர், பன்னீர், சந்தனம் உள்ளிட்ட வாசனைத் திரவியங்களால் சிறப்பு அபிஷேகம் நடைபெற்றது. தொடர்ந்து, மலர் அலங்காரம் செய்யப்பட்டு தீபாராதனை காட்டப்பட்டது.
இரவு 10.30 மணிக்குப் பிறகு, மேளதாளங்கள் முழங்க உற்சவர் அம்மன் ஊஞ்சல் மண்டபத்திற்கு எழுந்தருளினார். பூசாரிகள் தாலாட்டுப் பாடி தீபாராதனை காட்ட, பக்தர்கள் பக்தி முழக்கமிட்டு அம்மனை மனமுருகி வழிபட்டனர்.
விழாவையொட்டி பாதுகாப்புப் பணியில் 500-க்கும் மேற்பட்ட போலீசார் ஈடுபட்டனர்.
