அதிமுக எம்எல்ஏக்கள் 6 பேரின் ராஜினாமாவை சபாநாயகர் ஏற்றது செல்லும் என சென்னை உயர்நீதிமன்றம் தீர்ப்பளித்துள்ளது.
கொறடா உத்தரவை மீறி தவெக அரசுக்கு ஆதரவாக வாக்களித்ததாகக் கூறி, அதிமுக எம்.எல்.ஏ-க்கள் 6 பேருக்கு எதிரான தகுதிநீக்க நடவடிக்கை நிலுவையில் உள்ளது.
6 எம்.எல்.ஏ-க்களின் ராஜினாமாவை சபாநாயகர் ஏற்ற உத்தரவை ரத்து செய்யக் கோரி, அதிமுக கொறடா அக்ரி கிருஷ்ணமூர்த்தி உள்ளிட்டோர் சென்னை உயர்நீதிமன்றத்தில் வழக்குத் தொடர்ந்தனர்.
இந்த வழக்குகளில் அனைத்துத் தரப்பு வாதங்களையும் கேட்ட தலைமை நீதிபதி சுஷ்ருத் அரவிந்த் தர்மாதிகாரி மற்றும் நீதிபதி ஜி. அருள்முருகன் அடங்கிய அமர்வு, தீர்ப்பைத் தேதி குறிப்பிடாமல் ஒத்திவைத்திருந்தது.
இந்நிலையில், இந்த வழக்குகளில் தீர்ப்பளித்த நீதிபதிகள், அதிமுக எம்.எல்.ஏ-க்கள் 6 பேரின் ராஜினாமாவை சபாநாயகர் ஏற்றது செல்லும் என தீர்ப்பளித்தனர்.
மேலும், 6 எம்எல்ஏக்களுக்கு எதிரான தகுதிநீக்க நடவடிக்கை குறித்து இரண்டு மாதங்களுக்குள் முடிவெடுக்க சபாநாயகருக்கு உத்தரவிட்ட நீதிபதிகள்,
சபாநாயகரின் உத்தரவை ரத்து செய்யக் கோரிய மனுக்களையும் தள்ளுபடி செய்தனர்.
