அரசியலமைப்புச் சட்டத்தை பாதுகாக்க கோரி மதுரை உயர்நீதிமன்றக் கிளை அருகே பாஜக மற்றும் ஹிந்து பரிவார அமைப்பினர் ஆர்ப்பாட்டத்தில் ஈடுபட்டனர்.
அரசியலமைப்புச் சட்டம், நீதித்துறை மற்றும் நிர்வாகத் துறையின் சுதந்திரத்தைப் பாதுகாக்க வலியுறுத்தி நடைபெற்ற இந்த ஆர்ப்பாட்டத்தில், தேச விரோதச் செயல்களிலும் நீதித்துறைக்கு எதிரான செயல்பாடுகளிலும் ஈடுபடுவதாகக் குற்றம்சாட்டப்படும் நபர்களைக் கண்டித்து முழக்கங்கள் எழுப்பப்பட்டன.
இதில், பாஜக வழக்கறிஞர் பிரிவின் மாநிலத் துணைத் தலைவர் தாளைமுத்து அரசன், கிழக்கு மாவட்டத் தலைவர் ராஜசிம்மன் உள்ளிட்ட பாஜக வழக்கறிஞர்கள் மற்றும் இந்து அமைப்பினர் கலந்து கொண்டனர்.
பின்னர் செய்தியாளர்களிடம் பேசிய வழக்கறிஞர்கள், நாட்டின் ஜனநாயக அமைப்புகளையும் சட்டத்தின் ஆட்சியையும் பாதுகாக்க வேண்டும் என வலியுறுத்தினர்.
