SIR போராட்டத்தின் ஒருபகுதியாக உச்சநீதிமன்றம் நோக்கி பேரணி வந்தது குறித்து விளக்கமளிக்க ராகுல் காந்திக்கு நோட்டீஸ் அனுப்பப்பட்டுள்ளது.
தலைமை தேர்தல் ஆணையர் ஞானேஷ் குமாரை பதவி நீக்கம் செய்ய வலியுறுத்தி கடந்த 12ம் தேதி இண்டி கூட்டணி கட்சியினர் உச்சநீதிமன்றத்தை நோக்கி பேரணி சென்றனர்.
இதையடுத்து வாக்காளர் பட்டியல் தீவிர திருத்த பணிக்கு எதிராக இண்டி கூட்டணி சார்பில் உச்சநீதிமன்றத்தில் மனுத்தாக்கல் செய்யப்பட்டது.
இந்த மனு விசாரணைக்கு வந்தபோது, உச்சநீதிமன்றம் நோக்கி பேரணியாக சென்ற இண்டி கூட்டணியினருக்கு தலைமை நீதிபதி சூர்யகாந்த் கண்டனம் தெரிவித்தார்.
நீதித்துறையை யாராலும் மிரட்டி பணிய வைக்க முடியாது என திட்டவட்டமாக கூறிய அவர்,நீதிமன்றத்துக்கு வெளியே என்னென்ன கருத்துகளை தெரிவிக்கிறார்கள் என்பது தங்களுக்கு தெரியும் என குறிப்பிட்டார்
தொடர்ந்து, நீதிமன்ற வளாகத்தை பாதுகாக்க வேண்டியது அவசியம் எனவும், இதுபோன்ற சம்பவம் மீண்டும் நடக்கக்கூடாது என்பதால் குற்றவியல் அவமதிப்பு நோட்டீஸ் அனுப்ப வேண்டும் எனவும் நீதிபதி பாக்ச்சி கூறினார்.
இதையடுத்து பேரணி தொடர்பாக ராகுல்காந்தி, ஓவைசி ஆகியோர் விளக்கம் அளிக்க நோட்டீஸ் அனுப்புமாறு தலைமை நீதிபதி உத்தரவிட்டார். மேலும், எதிர்க்கட்சிகளின் மனு தொடர்பாக மத்திய அரசும், தேர்தல் ஆணையமும் பதிலளிக்கவும் ஆணை பிறப்பிக்கப்பட்டது.
