மேலூர் அருகே வீட்டில் வைக்கப்பட்டிருந்த பட்டாசுகள் வெடித்து விபத்தில் படுகாயமடைந்த கல்லூரி மாணவர் சிகிச்சை பலனின்றி உயிரிழந்தார்.
மதுரை மாவட்டம், மேலூர் அருகே கருங்காலக்குடி கிராமத்தில் யோகவாணி என்பவர் வீட்டில் வைக்கப்பட்டிருந்த பட்டாசுகள் வெடித்து விபத்து ஏற்பட்டது. இதில் யோகவாணி, அவரது மகன் லோகேஷ் மற்றும் லோகேஷின் நண்பர் மனோஜ் ஆகிய மூவரும் படுகாயமடைந்தனர். உடனடியாக 3 பேரும் மீட்கப்பட்டு மதுரை அரசு ராஜாஜி மருத்துவமனையில் அனுமதிக்கப்பட்டனர்.
இதில், மனோஜ் சிகிச்சை பலனின்றி உயிரிழந்தார். இந்த விபத்து குறித்து சம்பவ இடத்தில் மேலூர் டிஎஸ்பி சிவகுமார் தலைமையிலான போலீசாரும், தீயணைப்புத் துறையினரும் ஆய்வு மேற்கொண்டனர். பட்டாசு வெடி விபத்து குறித்து போலீசார் தொடர்ந்து விசாரணை நடத்தி வருகின்றனர்.
