இங்கிலாந்து தலைநகர் லண்டனில் உலகப்புகழ் பெற்ற பிரிட்டிஷ் அருங்காட்சியகம் செயல்படுகிறது. இந்த அருங்காட்சியத்தில் கி.மு. 15-ம் நூற்றாண்டு முதல் கி.பி.19-ம் நூற்றாண்டு வரையிலான பழங்கால நகைகள், வைர கற்கள், கண்ணாடிகள் போன்ற பல்வேறு பொருட்கள் பாதுகாக்கப்பட்டு வருகின்றன. இங்கு கண்காட்சிகளும் நடத்தப்படுவதால், கண்காட்சியைப் பார்வையிட ஆண்டுக்கு சுமார் 60 லட்சம் பார்வையாளர்கள் வருகின்றனர் .
இந்நிலையில் தற்போது நடத்திய ஆய்வின்போது அருங்காட்சியகத்தில் சில விலைமதிப்புமிக்க பொருட்கள் திருடப்பட்டு இருப்பது கண்டுப்பிடிக்கப் பட்டது. . ஆனால் சமீப காலமாக அங்கே கண்காட்சிகள் எதுவும் நடத்தப்படவில்லை என்பது குறிப்பிடத்தக்கது. எனவே இந்த ஆண்டின் தொடக்கத்தில் நடந்த கண்காட்சியின்போது இவை திருடப்பட்டு இருக்கலாம் என கூறப்படுகிறது.
இது தொடர்பாக அங்குப் பணிபுரிந்த ஊழியர் ஒருவரைப் பணிநீக்கம் செய்ய அருங்காட்சியகத்தின் தலைவர் ஜார்ஜ் உத்தரவிட்டார். மேலும் திருடப்பட்ட பொருட்களை மீட்டெடுக்க தொடர்ந்து முயற்சிகள் மேற்கொள்ளப்படும் எனவும் அவர் தெரிவித்தார்.
