பிரதமர் நரேந்திர மோடி, ரஷ்ய அதிபர் விளாடிமிர் புதினுடன் இன்று தொலைபேசியில் உரையாடினார்.
இருதரப்பு ஒத்துழைப்பின் பல பிரச்சினைகளில் முன்னேற்றத்தைக் குறித்து இரு தலைவர்களும் மதிப்பாய்வு செய்தனர். தென்னாபிரிக்காவில் சமீபத்தில் நிறைவடைந்த பிரிக்ஸ் உச்சி மாநாடு உட்பட பரஸ்பர அக்கறை கொண்ட பிராந்திய மற்றும் உலகளாவிய பிரச்சினைகள் குறித்தும் இருவரும் கருத்துக்களைப் பரிமாறிக் கொண்டனர்.
2023 செப்டம்பர் 9 மற்றும் 10 ம் தேதிகளில் புதுதில்லியில் நடைபெறும் ஜி 20 உச்சிமாநாட்டில் தன்னால் கலந்து கொள்ள இயலாது என்று தெரிவித்த ரஷ்ய அதிபர் புதின், ரஷ்யாவின் பிரதிநிதியாக வெளியுறவுத் துறை அமைச்சர் செர்ஜி லாவ்ரோவ் பங்கேற்பார் என்றும் தெரிவித்தார்.
இந்தியாவின் ஜி 20 தலைமையின் கீழ் அனைத்து முன்முயற்சிகளுக்கும் ரஷ்யாவின் தொடர்ச்சியான ஆதரவுக்காக அதிபர் புதினுக்கு பிரதமர் நன்றி தெரிவித்தார்.
