கடந்த நான்கு ஆண்டுகளில் 1.8 பில்லியன் அமெரிக்க டாலர் மதிப்புள்ள சொத்துக்கள் மீட்கப்பட்டுள்ளதாக மத்திய அமைச்சர் டாக்டர் ஜிதேந்திர சிங் கூறியுள்ளார்.
டெல்லியில் உள்ள சிபிஐ தலைமையகத்தில் முதல் சர்வதேச காவல் துறை ஒத்துழைப்பு தினம் மற்றும் பதவியேற்பு விழாவை மத்திய அமைச்சர் டாக்டர் ஜிதேந்திர சிங் தொடங்கி வைத்தார்.
பின்னர் பேசிய ஜிதேந்திர சிங்,
கடந்த நான்கு ஆண்டுகளில், பிரதமர் நரேந்திர மோடி பொருளாதாரக் குற்றவாளிகள் சட்டத்தைக் கொண்டு வந்த பின்னர், பணமோசடி தடுப்புச் சட்டம் (பிஎம்எல்ஏ) 2014 முதல் 12 பில்லியன் அமெரிக்க டாலருக்கும் அதிகமான மதிப்புள்ள குற்றவாளிகளின் சொத்துக்களை முடக்க உதவியது.
வெளிநாட்டில் தஞ்சமடைந்த பொருளாதார குற்றவாளிகள் மற்றும் தப்பியோடியவர்களை இந்தியாவிற்கு நாடு கடத்துவதில் கணிசமான அதிகரித்துள்ளது. குறிப்பாக 2022 அக்டோபரில் இந்தியா 90 வது இன்டர்போல் பொது சபையை நடத்திய பிறகு, 2005 மற்றும் 2013 க்கு இடையில் ஐக்கிய முற்போக்குக் கூட்டணி ஆட்சியின் போது சராசரியாக சுமார் 4 குற்றவாளிகள் / தப்பியோடியவர்கள் இந்தியாவுக்குத் திரும்பினர், அதே நேரத்தில் 2014 இல் பிரதமர் மோடி ஆட்சிக்கு வந்த பிறகு இந்த எண்ணிக்கை 10 ஆக உயர்ந்துள்ளது.
இந்த ஆண்டு இதுவரை 19 குற்றவாளிகள் பல்வேறு நாடுகளில் இருந்து இந்தியாவுக்கு திரும்பியுள்ளனர், சராசரியாக 10 குற்றவாளிகள் இந்தியாவுக்கு திரும்பியுள்ளனர்.
2022 ஆம் ஆண்டில் 27 பேரும், 2021 ஆம் ஆண்டில் 18 பேரும் நாடு திரும்பியுள்ளனர்.
கடந்த நான்கு ஆண்டுகளில் பொருளாதாரக் குற்றவாளிகள் மற்றும் தப்பியோடியவர்களிடமிருந்து 1.8 பில்லியன் அமெரிக்க டாலர் மதிப்புள்ள சொத்துக்கள் மீட்கப்பட்டுள்ளன எனத் தெரிவித்துள்ளார்.
