ஈட்டி எறிதல் போட்டியில் தங்கம் வென்ற நீரஜ் சோப்ரா!

ஆசிய விளையாட்டு ஈட்டி எறிதல் போட்டியில்  தங்கம் வென்ற இந்திய வீரர் நீரஜ் சோப்ராவிற்கு பிரதமர் நரேந்திர மோடி வாழ்த்து தெரிவித்துள்ளார்.

சீனாவின் ஹாங்சோவ் நகரில் 19-வது ஆசிய விளையாட்டு போட்டி நடந்து வருகிறது. இதில் 45 நாடுகளை சேர்ந்த 12,400 வீரர், வீராங்கனைகள் பங்கேற்றுள்ளனர்.

தொடரின் 12-வது நாளான இன்று நடைபெற்ற ஈட்டி எறிதல் போட்டியில் இந்திய வீரர் நீரஜ் சோப்ரா தங்கம் வென்றார். அதிகபட்சமாக 88.88 மீட்டர் தூரம் ஈட்டியை எறிந்து நீரஜ் சோப்ரா முதலிடம் பிடித்தார். மற்றொரு இந்திய வீரர் கிஷோர் குமார் ஜேனா 2-ம் இடம் பிடித்து வெள்ளி வென்றார்.

சென்ற ஆசிய விளையாட்டுகளிலும் தங்கப் பதக்கம் வென்ற நீரஜ் சோப்ரா இம்முறையும் வாகை சூடினார்.

Second Consecutive Gold in Javelin Throw for @Neeraj_chopra1 in the Asian Games. Congrats to him for this historic feat. This spectacular victory is the result of his dedication and years of training. May he keep scaling new heights of success. All the best to him. pic.twitter.com/imfeikGKUc

— Narendra Modi (@narendramodi) October 4, 2023

பிரதமர் மோடி வெளியிட்டுள்ள எக்ஸ் பதிவில்,

இரண்டு ஆசிய விளையாட்டுகளிலும் நீரஜ் சோப்ரா தங்கப் பதக்கம் வென்றுள்ளார்.
இந்த வரலாற்று சாதனைக்காக அவருக்கு வாழ்த்துகள். இந்த அற்புதமான வெற்றி அவரது அர்ப்பணிப்பு மற்றும் பல வருட பயிற்சியின் விளைவாகும். அவர் வெற்றியின் புதிய உயரங்களை எட்டிக்கொண்டே இருக்கட்டும். அவருக்கு ஆல் தி பெஸ்ட் எனத் தெரிவித்துள்ளார்.