முத்து திரைப்படம் தெலுங்கு பதிப்பில் ஆந்திரா, தெலுங்கானா, கர்நாடகா ஆகிய மாநிலங்களில் வருகின்ற டிசம்பர் 2 ஆம் தேதி ரீ ரிலீஸ் ஆகிறது என அறிவித்துள்ளனர்.
1995 ஆம் ஆண்டில் கே.எஸ். ரவிக்குமார் இயக்கத்தில் சூப்பர் ஸ்டார் ரஜினிகாந்த், மீனா, சரத்பாபு ஆகியோர் இணைந்து நடித்து வெளிவந்த திரைப்படம் ‘முத்து’.
கவிதாலயா பிலிம்ஸ் தயாரித்த இப்படத்திற்கு ஏ.ஆர். ரஹ்மான் இசையமைத்திருந்தார். இப்படம் இந்தியாவில் வசூலில் சாதனை படைத்ததை தாண்டி ஜப்பான் நாட்டில் புதிய சாதனை உருவாக்கி பல வருடங்களாக தக்க வைத்திருந்தது. ரஜினிக்கு ஜப்பானிலும் இரசிகர்களை ஏற்படுத்தி தந்தது இந்த படம்.
இந்நிலையில் முத்து படம் தெலுங்கு பதிப்பில் டிசம்பர் மாதத்தில் ரீ ரிலீஸ் ஆகும் என சமீபத்தில் அறிவித்தனர். இப்போது முத்து திரைப்படம் தெலுங்கு பதிப்பில் ஆந்திரா, தெலுங்கானா, கர்நாடகா ஆகிய மாநிலங்களில் வருகின்ற டிசம்பர் 2 ஆம் தேதி ரீ ரிலீஸ் ஆகிறது என அறிவித்துள்ளனர்.
மேலும் தமிழில் ரஜினியின் பிறந்த நாளன்று வெளியாகும் என்பது ரசிகர்களின் எதிர்பார்ப்பாக உள்ளது.
ஏற்கனவே இந்த வருடத்தில் தமிழில் ரஜினி நடித்த பாபா, தனிகாட்டு ராஜா ஆகிய படங்கள் வெளியானது குறிப்பிடத்தக்கது.
