ஆந்திர மாநிலம் பலாசா – விசாகப்பட்டினம் மற்றும் ராயகடா – விஜயநகரம் இடையே தண்டவாளப் பராமரிப்பு பணிக்காக, சென்னை சென்ட்ரல் – ஹவுரா இடையே, இருமார்க்க விரைவு இரயில்களின் சேவையும் வருகிற 03-ஆம் தேதி ரத்து செய்யப்பட்டுள்ளது.
இதுகுறித்து தெற்கு இரயில்வே வெளியிட்டுள்ள செய்திக்குறிப்பில் கூறியிருப்பதாவது:
ஆந்திர மாநிலம், பலாசா – விசாகப்பட்டினம் இரயில் பாதையில், வருகிற 4-ஆம் தேதி தண்டவாளப் பராமரிப்பு பணிகள் நடக்க உள்ளது.
இதனால், மேற்கு வங்காள மாநிலம் ஹவுராவில் இருந்து வருகிற 3-ஆம் தேதி இரவு 11.55 மணிக்கு புறப்பட்டு சென்னை சென்ட்ரல் செல்லும் அதிவிரைவு இரயில் (வண்டி எண் – 12839) ரத்து செய்யப்படுகிறது.
சென்னை சென்ட்ரல் – ஹவுரா இரவு 7:00 மணிக்கு புறப்பட்டு செல்லும் விரைவு இரயில் (வண்டி எண் – 12840) சேவையும், ரத்து செய்யப்படுவதாக தெற்கு இரயில்வே தெரிவித்துள்ளது.
