தெலங்கானா, மத்தியபிரதேசம், ராஜஸ்தான், சத்தீஸ்கர் ஆகிய 4 மாநில சட்டமன்ற தேர்தலுக்கான வாக்கு எண்ணிக்கை இன்று காலை 8 மணிக்கு தொடங்கியது. எந்த கட்சி ஆட்சியை தக்கவைப்பார்கள்? எந்த கட்சி ஆட்சியை பிடிப்பார்கள் என நாட்டு மக்கள் ஆவலோடு எதிர்பாரத்து கொண்டிருக்கிருக்கின்றனர்.
தெலங்கானா, மத்தியபிரதேசம், ராஜஸ்தான், சத்தீஸ்கர், மிசோரம் ஆகிய 5 மாநிலங்களில் தேர்தல் நடைபெற்று முடிந்துள்ளது. இந்த நிலையில் இன்று வாக்கு எண்ணிக்கையானது நடைபெறவுள்ள நிலையில், மிசோரம் மாநிலத்தில் மட்டும் வாக்கு எண்ணிக்கை ஒரு நாள் தள்ளி வைக்கப்பட்டுள்ளது.
இந்நிலையில் மற்ற 4 மாநிலத்தில் வாக்கு எண்ணிக்கை இன்று காலை 8 மணிக்கு தொடங்கியது. 119 தொகுதி கொண்ட தெலங்கானாவில் பாஜக, காங்கிரஸ், பிஆர்எஸ் மற்றும் மோதுகிறது. இதில் 60 தொகுதிகளை கைப்பற்றுபவர்கள் ஆட்சியை பிடிப்பார்கள்.
ராஜஸ்தானில், மொத்தமுள்ள 200 தொகுதிகளில் காங்கிரஸ்- பாஜக இடையே நேரடி போட்டி நடைபெறுகிறது. இதில் 101 இடங்களை பிடிக்கும்கட்சி ஆட்சி அதிகாரத்தை கைப்பற்றும்.
மத்திய பிரதேசத்தில் 230 தொகுதிகளில், பாஜக, காங்கிரஸ், பகுஜன் சமாஜ் கட்சிகள் போட்டி போடுகிறது. இந்த மாநிலத்தில் மொத்தம் 116 தொகுதிகளில் வெற்றி பெறுபவர்கள் ஆட்சி அமைப்பார்கள்.
சத்தீஸ்கரின் மொத்தமுள்ள 90 தொகுதிகளை கைப்பற்ற பாஜக- காங்கிரஸ் மோதுகிறது. இதில் 46 தொகுதிகளை கைப்பற்றுபவர்கள் அந்த மாநிலத்தில் ஆட்சி அதிகாரத்தை தக்கவைப்பார்கள்.
இன்று காலை 8 மணிக்கு முதலில் தபால் வாக்குகள் எண்ணப்படட்டு வருகிறது. இதனை தொடர்ந்து மின்னனு வாக்கு இயந்திரத்தில் பதிவான வாக்குகள் எண்ணப்படுகிறது. காலை 8 முதல் 9 மணிக்குள் யார் முன்னனி என்ற நிலவரம் தெரியவரும்.
முற்பகல் 11 மணிக்கு 4 மாநிலத்தில் முன்னிலை நிலவரம் தெரிந்து விடும்.
