ப்ரோ கபடி லீக் தொடரின் முதல் போட்டியில் குஜராத் அணி 38-32 என்ற புள்ளி கணக்கில் தெலுங்கு டைட்டன்சை வீழ்த்தி போட்டியை வெற்றியுடன் தொடங்கியது.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றனர்.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளனர்.
டிசம்பர் 2 ஆம் தேதி தொடங்கிய இந்த தொடர் 2024 பிப்ரவரி 18 ஆம் தேதி வரை நடைபெறவுள்ளது. முதல் நாளான நேற்று மொத்தம் இரண்டு போட்டிகள் நடைபெற்றது.
அகமதாபாத்தில் நடைபெற்ற போட்டியில் முதல் ஆட்டம் குஜராத் ஜெயண்ட்ஸ் மற்றும் தெலுங்கு டைட்டன்ஸ் அணிகளுக்கிடையே நடைபெற்றது.
இப்போட்டியின் முதல் பாதியில் தெலுங்கு டைட்டன்ஸ் அணி 16-13 என்ற கணக்கில் முன்னிலை வகித்தது. 2-வது பாதியின் தொடக்கத்தில் குஜராத் அணியின் சோனு தனது அற்புதமான ரைடில் 5 புள்ளிகள் எடுத்து ஆட்டத்தை தங்கள் பக்கம் திருப்பினர்.
முடிவில் குஜராத் அணி 38-32 என்ற புள்ளி கணக்கில் தெலுங்கு டைட்டன்சை வீழ்த்தி போட்டியை வெற்றியுடன் தொடங்கியது.
