டைம்ஸ் நாளிதழ் ஒவ்வொரு ஆண்டும் அந்தாண்டுக்கான சிறந்த நபரை அறிவிக்கும், அதன்படி இந்தாண்டுக்கான சிறந்த நபரை டைம்ஸ் நாளிதழ் அறிவித்துள்ளது.
ஒரு ஆண்டு முழுவதும் பெரும் தாக்கத்தை ஏற்படுத்திய நபர்களில் ஒருவரைத் தேர்வு செய்து அந்தாண்டுக்கான சிறந்த நபர் என்கிற பட்டத்தை டைம்ஸ் நாளிதழ் ஒவ்வொரு ஆண்டும் அறிவிக்கும். அதன்படி 2023 ஆம் ஆண்டுக்கான சிறந்த நபராகத் அமெரிக்க பாப் இசைக் கலைஞர் டெய்லர் ஸ்விஃப்ட் தேர்வு செய்யப்பட்டுள்ளார்.
இது குறித்து டைம்ஸ் நாளிதழ், “டெய்லரின் சாதனைகள்- கலாச்சார, விமர்சன மற்றும் வணிகரீதியாக – திரண்டு நிற்கிறது. அவற்றைப் பட்டியலிடுவது இயலாத காரியம்” எனக் குறிப்பிட்டுள்ளது.
2023 யில் பல சமயங்களில் நாளிதழ்களில் தலைப்பு செய்தியில் அடிபடும் பெயராக டெய்லர் ஸ்விஃப்ட் இருந்துள்ளார். அக்டோபரில் வெளியான அவரது இசை நிகழ்ச்சிகள் திரைப்படம் ‘எராஸ் டூர்’ உலகம் முழுவதும் பெரும் வரவேற்பைப் பெற்றது.
டைம்ஸ் நாளிதழ், கடந்த ஆண்டு உக்ரைன் அதிபர் வொலோதிமீர் ஸெலென்ஸ்கியை அந்தாண்டுக்கான நபராகத் தேர்வு செய்தது. 2021-ல் எலான் மஸ்க் தேர்வு செய்யப்பட்டார்.
நபர்களுக்கு மட்டுமில்லாமல் குழு அல்லது பொருள் அல்லது கருத்துருக்களுக்கும், டைம்ஸின் அந்தாண்டுக்கான நபராக அறிவிக்கப்பட்டிருக்கின்றன என்பது குறிப்பிடத்தக்கது.
