ஜூனியர் ஆசியக் கோப்பை கிரிக்கெட் முதல் போட்டியில் இன்று இந்தியா, ஆப்கானிஸ்தான் அணியுடன் விளையாட்டுள்ளது.
19 வயத்துக்குட்பட்டோர்கான 10 வது ஜூனியர் ஆசிய கோப்பை தொடர் இன்று துபாயில் தொடங்குகிறது. இத்தொடரானது வரும் 17 ஆம் தேதி வரை நடைபெறவுள்ளது.
இதில் மொத்தமாக 8 அணிகள் பங்குபெறுகின்றன. இந்த 8 அணிகளும் 2 பிரிவாக பிரிக்கப்பட்டுள்ளது. இதன் ‘எ’ பிரிவில் நடப்பு சாம்பியனான இந்தியா, பாகிஸ்தான், நேபால், ஆப்கானிஸ்தான் ஆகிய அணிகள் உள்ளன. ‘பி’ பிரிவில் இலங்கை, வங்கதேசம், ஐக்கிய அரபு அமீரகம், ஜப்பான் ஆகிய அணிகள் உள்ளன.
இதில் உள்ள ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை விளையாடும், லீக் சுற்றில் முடிவில் ஒவ்வொரு பிரிவிலும் முதல் இரண்டு இடங்களை பிடிக்கும் அணி அரையிறுதி சுற்றுக்கு தகுதி பெறும்.
அதில் வெற்றி பெறும் அணி இறுதிப்போட்டிக்கு தகுதிபெறும். இதில் முதல் நாளான இன்று நடைபெறும் முதலாவது லீக் ஆட்டத்தில் உதய் சாஹரன் தலைமையிலான இந்திய அணி, நசீர் கான் தலைமையிலான ஆப்கானிஸ்தானை சந்திக்கிறது. மற்றொரு லீக் ஆட்டத்தில் பாகிஸ்தான்-நேபாளம் அணிகள் மோதுகின்றன. இரண்டு ஆட்டமும் காலை 11 மணிக்கு தொடங்குகிறது.
