ஹாலிவுட்டில் வழங்கப்படும் கிரியேட்டிவ் அல்லயன்ஸ் ( Creative Alliance ) விருது பட்டியலில், முதன் முதலாக ஒரு தமிழ் இயக்குநர் தேர்வாகியுள்ளார்.
ஹாலிவுட் கிரியேட்டிவ் அல்லயன்ஸ் விருது பட்டியலில் ஜவான் படத்திற்காக தமிழ் இயக்குநர் அட்லி தேர்வாகியுள்ளார். இவரே இந்த பட்டியலில் இடம்பெற்ற முதல் தமிழ் இயக்குநர் ஆவார்.
பாலிவுட் நடிகர் ஷாருக்கான், இயக்குநர் அட்லி கூட்டணியில் உருவான ஜவான் திரைப்படம் இந்தியத் திரையுலக வரலாற்றில் பல புதிய சாதனைகளைப் படைத்த நிலையில், தற்போது ஹாலிவுட்டில் வழங்கப்படும் ஹாலிவுட் கிரியேட்டிவ் அல்லயன்ஸ் ( Hollywood Creative Alliance ) விருதுக்கான தேர்வுப் பட்டியலில் இடம்பெற்றுள்ளது.
தமிழ் திரையுலகில் தான் களமிறங்கிய சிறிது காலத்திலேயே பெரிதும் பேசப்பட்டவர் இயக்குநர் அட்லி. தனது திரைப்படம் மூலம் தமிழ் சினிமா வசூலில் வரலாற்று சாதனை படைத்தார். பின் பாலிவுட் கிங்கான் ஷாருக்கான் நடிப்பில் உருவான, “ஜவான்” மூலம் இந்தியாவையே திரும்பிப் பார்க்க வைத்தார்.
ராஜா ராணி ப்ளாக்பஸ்டர் வெற்றி மூலம் திரையுலக பயணத்தை துவங்கிய அட்லி, தெறி, மெர்சல், பிகில் படங்கள் மூலம் உச்சம் தொட்டு, தற்போது ‘ஜவான்’ மூலம் ஹாலிவுட்டில் இடம்பெற்ற முதல் தமிழ் இயக்குநராக சாதனை படைத்திருக்கிறார்.
‘ஜவான்’ திரைப்படம், இந்தியாவின் அத்தனை முன்னணி மொழிகளிலும் ப்ளாக்பஸ்டர் வெற்றியைப் பெற்றது. இப்படம் இந்தியாவில் திரையரங்குகளில் 3.5 கோடி பார்வையாளர்களைப் பெற்றது, 1080 கோடி ரூபாய் வசூலித்த, இந்தியாவில் முதல்ப்படமாக சாதனை படைத்தது.
பல புது வரலாற்று சாதனைகளை படைத்த இப்படம், ஹாலிவுட்டில் ஆணடுதோறும் வழங்கப்படும், உலகளவிலான சிறந்த படங்களுக்கான ஹாலிவுட் கிரியேட்டிவ் அல்லயன்ஸ் விருதுக்கான தேர்வுப்பட்டியலில் இந்தியா சார்பில் இடம்பிடித்துள்ளது.
