திருநெல்வேலி மாவட்டத்தில் தொடர்ந்து பெய்து வரும் கனமழையால், பொதுமக்களின் இயல்பு வாழ்க்கை கடுமையாக பாதிக்கப்பட்டுள்ளது. சாலைகளில் தண்ணீர் பெருக்கெடுத்து ஓடுவதால், வாகன ஓட்டிகள் கடும் அவதி அடைந்துள்ளனர்.
தமிழகத்தில் வடக்கு பருவமழை தீவிரமடைந்து, கடந்த சில வாரங்களாக கனமழை பெய்து வருகிறது. திருநெல்வேலி மாவட்டத்தின் பல்வேறு இடங்களிலும் கனமழை பெய்தது. குறிப்பாக, மேலப்பாளையம் பகுதியில் வெளுத்து வாங்கிய கனமழையால், தாழ்வான குடியிருப்புகளுக்குள் வெள்ளநீர் புகுந்தது. சாலைகளில் வெள்ளம் பெருக்கெடுத்து ஓடுவதால், வாகனங்களை இயக்க முடியாமல் வாகன ஓட்டிகள் அவதி அடைந்தனர். தொடர்ந்து பெய்து வரும் கனமழையால், பொதுமக்களின் இயல்பு கடுமையாக பாதிக்கப்பட்டுள்ளது.
குண்டும், குழியுமான சாலைகளில் குளம் போல், தண்ணீர் தேங்கி நின்றதால், இருசக்கர வாகனங்கள் பழுதாகி நின்றன. இதனால், வேலைக்கு செல்பவர்கள் மிகுந்த சிரமத்துக்கு உள்ளாகினர். மேலும், வாகன விபத்துகள் ஏற்படும் அபாயம் உள்ளதாக வாகன ஓட்டிகள் குற்றம் சாட்டியுள்ளனர்.
