பிலிப்பைன்ஸ் கப்பல் மீது சீனக் கப்பல் தாக்குதல்!

தென் சீனக் கடல் பகுதியில் பிலிப்பைன்ஸ் நாட்டின் மீன்பிடி கப்பல் மீது சீனக் கடலோரக் காவல்படைக் கப்பல் தண்ணீர் பீய்ச்சி அடித்த சம்பவம் கடும் அதிர்ச்சியை ஏற்படுத்தி இருக்கிறது.

சீனாவைப் பொறுத்தவரை, தென் சீனக் கடல் பகுதி முழுவதையும் சொந்தம் கொண்டாடி வருகிறது. இதனால், சீனாவுக்கும் இந்தோனேஷியா, மலேசியா, பிலிப்பைன்ஸ், வியட்நாம் ஆகிய நாடுகளுக்கும் இடையே பிரச்னை இருந்து வருகிறது. ஆகவே, இக்கடல் பகுதியில் சுதந்திரமான போக்குவரத்தை உறுதி செய்ய வேண்டும் என்று அமெரிக்கா, ஜப்பான் மற்றும் ஐரோப்பிய நாடுகள் முயற்சிக்கு வருகின்றன.

இந்த நிலையில்தான், தென் சீனக் கடல் பகுதியில் பிலிப்பைன்ஸ் நாட்டின் மீன்படி கப்பல் ஒன்றின் மீது சீனக் கப்பல் தண்ணீரைப் பீய்ச்சி அடித்து தாக்குதல் நடத்தி இருக்கிறது. அதாவது, தென் சீனக் கடல் பகுதியில் உள்ள மணல் திட்டு ஒன்றை சீனா மற்றும் பிலிப்பைன்ஸ் ஆகிய 2 நாடுகளும் உரிமை கொண்டாடி வருகின்றன.

இந்த நிலையில், மேற்கண்ட மணல் திட்டுக்கு அருகில் பிலிப்பைன்ஸ் நாட்டின் மீன்பிடி கப்பல் ஒன்றை சீன கடற்படையும், சீன ஆயுதக் குழுவின் படகும் இணைந்து தண்ணீரை பீய்ச்சியடித்து விரட்டிய சம்பவம் அதிர்ச்சியை ஏற்படுத்தியுள்ளது.சீனாவின் இந்த செயலால் அதிர்ச்சியடைந்துள்ள பிலிப்பைன்ஸ்  மற்றும் அதன் நட்பு நாடான அமெரிக்கா சீனாவின் நடவடிக்கைக்கு கடுமையான கண்டனம் தெரிவித்துள்ளது.

சீனா தன்னுடைய அதிகாரம் முழுவதையும் தென் சீன கடல் பகுதியில் நிலைநாட்ட முயன்று வருகிறது.

அதே சமயம் சர்வதேச கடல் வழித்தட உரிமையை சீனா பறிப்பதாகவும் அமெரிக்கா கருதி வருகிறது.மீன்பிடி படகு மீது சீன கப்பல்கள் தண்ணீர் பீய்ச்சியடிக்கும் காட்சிகள் இணையத்தில் வெளியாகி வேகமாக பரவி வருகிறது.

BREAKING:

China vessels are using water cannons to attack Philippine state vessels near the Scarborough Shoal which is in the Exclusive Economic Zone of the Philippines.

The Chinese Navy has been trying to assert dominance in the area since 2012

🇵🇭🇨🇳 pic.twitter.com/SY2Mi8V8Kx

— Visegrád 24 (@visegrad24) December 9, 2023