மிக்ஜாம் புயல், பெருமழை காரணமாக கடந்த 4 – ம் தேதி சென்னை, காஞ்சி, செங்கல்பட்டு, திருவள்ளூர் உள்ளிட்ட 4 மாவட்டங்களில் மழை வெள்ளத்தில் தத்தளித்தது.
குடியிருப்பு பகுதிகள் மற்றும் வீடுகளுக்கள் வெள்ள நீர் புகுந்தது. மேலும் வீட்டில் இருந்த கட்டில்,மெத்தை, ப்ரிஷ், வாஷிங் மெசின், டி.வி உள்ளிட்ட பொருள்கள் தண்ணீர் மூழ்கியது. மின்சாரமும் துண்டிக்கப்பட்டது. இதனால் பொதுமக்கள் டுகளுக்குள்ளேயே முடங்கும் சூழ்நிலை ஏற்பட்டது.
மத்திய பாதுகாப்புத் துறை அமைச்சர் ராஜ்நாத்சிங், ஹெலிகாப்டரில் வெள்ள சேதங்களைப் பார்வையிட்டார். இதேபோல் மத்திய இணை அமைச்சர் ராஜிவ் சந்திரசேகரும் பாதிக்கப்பட்ட பகுதிகளைப் பார்வையிட்டார்.
இதனிடையே, ஆறு பேர் கொண்ட மத்திய குழு, சென்னை வர உள்ளதாகத் தகவல் வெளியாகி உள்ளது. அந்தக் குழு வெள்ளத்தால் பாதிக்கப்பட்ட சென்னை உள்ளிட்ட 4 மாவட்டஙகளில் ஆய்வு மேற்கொள்ளும். இதனைத்தொடர்ந்த அந்த குழு மத்திய அரசுக்கு அறிக்கை அளிக்கும். அதன்பேரில் தமிழக அரசுகுக்கு கூடுதல் நிவாரணம் கிடைக்க வாய்ப்பு உள்ளது.
இந்த நிலையில், மழை வெள்ளத்தால் பாதிக்கப்பட்ட மக்களுக்கு ரூ.6000 நிவாரணத் தொகை வழங்க தமிழக அரசு முடிவு செய்துள்ளது. அந்த வகையில். ரூ.6000 மழை வெள்ள நிவாரணத் தொகையை மூன்று பிரிவுகளாக வழங்க அரசு திட்டம் என தகவல் வெளியாகியுள்ளது.
குறிப்பாக, ரேஷன் அட்டை வைத்திருப்போர் மற்றும் ரேஷன் அட்டைக்காக விண்ணப்பித்திருப்போருக்கு நிவாரணத் தொகை கிடைக்கும். மேலும், சென்னை உள்ளிட்ட 4 மாவட்டங்களில் பல ஆண்டுகளாக வசிப்போர் வாடகை ஒப்பந்தம் அல்லது கேஸ் பில் உள்ளிட்ட ஆதாரங்களைச் சமர்ப்பித்தால் நிவாரணத் தொகை கிடைக்கும் என தகவல் வெளியாகியுள்ளது.
