நவம்பர் மாதத்திற்கான சிறந்த வீரர் மற்றும் வீராங்கனையை சர்வதேச கிரிக்கெட் கவுன்சில் தேர்வு செய்துள்ளது.
ஒவ்வொரு மாதமும் சிறந்த வீரர்கள் வீராங்கனைகளை சர்வதேச கிரிக்கெட் கவுன்சில் தேர்வு செய்து கவுரவித்து வருகிறது. அதன்படி நவம்பர் மாதத்திற்கான சிறந்த வீரர் மற்றும் வீராங்கனையை தேர்வு செய்ய 3 வீரர்கள் மற்றும் 3 வீராங்கனைகள் பரிந்துரை பட்டியலில் இருந்தனர்.
அதில் நவம்பர் மாதத்திற்கான சிறந்த வீரர் விருதுக்கான பரிந்துரை பெயர் பட்டியலில் இந்தியாவில் நடைபெற்ற 50 ஓவர் உலகக்கோப்பை தொடரில் அசத்திய மூன்று வீரர்கள் இடம் பெற்றிருந்தனர்.
அதன்படி உலகக்கோப்பைத் தொடரில் அதிக விக்கெட் வீழ்த்திய முகமது ஷமி மற்றும் ஆஸ்திரேலியா உலகக்கோப்பையை வெல்வதற்கு உதவிய முக்கிய வீரர்களான டிராவிஸ் ஹெட் மற்றும் கிளென் மேக்ஸ்வெல் ஆகியோர் நவம்பர் மாதத்திற்கான சிறந்த வீரர் விருதுக்கான பரிந்துரை பெயர் பட்டியலில் இடம் பெற்றிருந்தனர்.
அதேபோல் சிறந்த வீராங்கனை விருதுக்கான பரிந்துரை பட்டியலில் வங்காள தேசத்தைச் சேர்ந்த வீராங்கனைகளான நஹிதா அக்தர், பர்கானா ஹோக் மற்றும் பாகிஸ்தானை சேர்ந்த சாடியா இக்பால் ஆகியோர் இடம் பெற்றிருந்தனர்.
அதன்படி ஐசிசி தற்போது இந்த மாதத்திற்கான சிறந்த வீரர், வீராங்கனை யார் என்பது அறிவித்துள்ளது. அதன்படி நவம்பர் மாதத்திற்கான சிறந்தவீரராக ஆஸ்திரேலியாவை சேர்ந்த டிராவிஸ் ஹெட் தேர்வு செய்யப்பட்டுள்ளார். அதேபோல் நவம்பர் மாதத்திற்கான சிறந்த வீராங்கனையாக வங்காளதேசத்தை சேர்ந்த நஹிதா அக்தர் தேர்வு செய்யப்பட்டுள்ளார்
