ஜூனியர் ஆசியக் கோப்பை கிரிக்கெட் மூன்றாவது போட்டியில் இன்று இந்தியா, நேபாளம் அணியுடன் விளையாட்டுள்ளது.
19 வயத்துக்குட்பட்டோர்கான 10வது ஜூனியர் ஆசியக் கோப்பை தொடர் துபாயில் நடைபெற்றுவருகிறது. இதில் மொத்தமாக 8 அணிகள் பங்குபெறுகின்றன.
இந்த 8 அணிகளும் 2 பிரிவாகப் பிரிக்கப்பட்டுள்ளது. இதன் ‘எ’ பிரிவில் நடப்பு சாம்பியனான இந்தியா, பாகிஸ்தான், நேபால், ஆப்கானிஸ்தான் ஆகிய அணிகள் உள்ளன. ‘பி’ பிரிவில் இலங்கை, வங்கதேசம், ஐக்கிய அரபு அமீரகம், ஜப்பான் ஆகிய அணிகள் உள்ளன.
இதில் இன்றைய நாள் போட்டிகள் நடைபெறவுள்ளன. இதில் முதல் போட்டி பாகிஸ்தான் மற்றும் ஆப்கானிஸ்தான் அணிகளுக்கிடையே நடைபெறவுள்ளது. இரண்டாம் போட்டி இந்தியா மற்றும் நேபாளம் அணிகளுக்கிடையே நடைபெறவுள்ளது.
இதில் உள்ள ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை விளையாடும், லீக் சுற்றில் முடிவில் ஒவ்வொரு பிரிவிலும் முதல் இரண்டு இடங்களைப் பிடிக்கும் அணி அரையிறுதி சுற்றுக்குத் தகுதி பெறும்.
இந்த தொடரில் இந்தியா இதுவரை விளையாடிய 2 போட்டிகளில் தலா 1 வெற்றி மற்றும் 1 தோல்வி அடைந்துள்ளது. அதேபோல் நேபாளம் அணி விளையாடிய 2 போட்டிகளில் இரண்டிலும் தோல்வியடைந்துள்ளது. ஆகையால் இன்றையப் போட்டி நேபாளம் அணிக்கு முக்கியமான போட்டியாகப் பார்க்கப்படுகிறது.
அதேபோல் பாகிஸ்தான் தான் விளையாடிய 2 போட்டியிலும் வெற்றி பெற்று முதலிடத்தில் உள்ளது. ஆப்கானிஸ்தான் அணி தான் விளையாடிய 2 போட்டிகளில் தலா 1 வெற்றி மற்றும் 1 தோல்வி அடைந்துள்ளது.
