நடிகரும், அரசியல்வாதியுமான விஜயகாந்த் மறைவு குறித்து இரங்கல் தெரிவித்திருக்கும் ஆளுநர் தமிழிசை சௌந்தரராஜன், ஒரு நல்லவரை நாம் இழந்து இருக்கிறோம் என்று தெரிவித்திருக்கிறார்.
இதுகுறித்து தெலங்கானா மாநில ஆளுநரும், புதுச்சேரி மாநில துணை நிலை ஆளுநருமான தமிழிசை சௌந்தரராஜன் வெளியிட்டிருக்கும் இரங்கல் செய்தியில், “உடல் நலக்குறைவால் மருத்துவமனையில் சிகிச்சை பெற்று வந்த தே.மு.தி.க. தலைவர், சகோதரர் கேப்டன் திரு.விஜயகாந்த் அவர்கள் உயிரிழந்த செய்தியறிந்து மிகவும் மனவேதனை அடைந்தேன்.
நல்ல திரைப்படக் கலைஞர்… நல்ல அரசியல் தலைவர்… நல்ல மனிதர்… நல்ல சகோதரர்… ஒட்டுமொத்தமாக ஒரு நல்லவரை நாம் இழந்து இருக்கிறோம். சகோதரர் திரு.விஜயகாந்த் அவர்களை இழந்து வாடும் அவரது குடும்பத்தினருக்கும், தொண்டர்களுக்கும், நண்பர்களுக்கும், ரசிகர்களுக்கும் எனது ஆழ்ந்த இரங்கலையும், ஆறுதலையும் தெரிவித்துக்கொள்வதோடு, அன்னாரின் ஆன்மா சாந்தியடைய எல்லாம் வல்ல இறைவனை பிரார்த்திக்கின்றேன்” என்று தெரிவித்திருக்கிறார்.
