அசாமில் இரவு 11.38 மணிக்கு, 3.1 ரிக்டர் அளவில் நிலநடுக்கம் ஏற்பட்டதாக தேசிய நில அதிர்வு மையம் தெரிவித்துள்ளது.
அசாமில் இரவு 11.38 நிலநடுக்கம் ஏற்பட்டது. அசாம் மாநிலம் மோரிகான் பகுதியில் நிலநடுக்கம் உணரப்பட்டது. இது ரிக்டர் அளவுகோலில் 3.1 ஆக பதிவானது.
இந்த நிலநடுக்கம் பூமிக்கடியில் 10 கிலோமீட்டர் ஆழத்தில் மையம் கொண்டிருந்ததாக தேசிய நில அதிர்வு மையம் தெரிவித்துள்ளது.
இந்த நிலநடுக்கத்தால், மோரிகான் மற்றும் சுற்றுவட்டாரப் பகுதிகளில் இருந்த கட்டடங்கள் லேசாக அதிர்ந்தன. இதனால், அப்பகுதியில் இருந்த மக்கள் அச்சமடைந்து, வீடுகளை விட்டு வெளியேறி சாலைகளில் தஞ்சமடைந்தனர்.
இந்த நிலநடுக்கத்தால், ஏற்பட்ட பாதிப்புகள் குறித்து உடனடி தகவல் வெளியாகவில்லை.
