நாளை நடைபெறவுள்ள ஆப்கானிஸ்தானுக்கு எதிரான முதல் டி20 போட்டியில் இருந்து இந்திய அணியின் நட்சத்திர வீரர் விராட் கோலி விலகியுள்ளார்.
ஆப்கானிஸ்தான் கிரிக்கெட் அணி இந்தியாவில் சுற்றுப்பயணம் மேற்கொள்ளவுள்ளது. இந்தியா, ஆப்கானிஸ்தான் அணிகளுக்கிடையே மூன்று போட்டிகள் கொண்ட டி20 தொடர் நடைபெறவுள்ளது.
இப்போட்டியானது வரும் 11ஆம் தேதி தொடங்கவுள்ளது. இந்த தொடரின் முதல் போட்டி 11 ஆம் தேதி மொகாலியிலும், 2வது போட்டி வரும் 14 ஆம் தேதி இந்தூரிலும், 3வது போட்டி வரும் 17ஆம் தேதி பெங்களூருவிலும் நடைபெறவுள்ளது.
இந்த தொடருக்கான இந்திய அணி சமீபத்தில் வெளியிடப்பட்டது. ரோகித் மற்றும் விராட் கோலி டி20 தொடரில் விளையாட விருப்பம் தெரிவித்த நிலையில் அவர்கள் இந்த தொடரில் இடம் பெற்றனர்.
இந்நிலையில் தற்போது விராட் கோலி இந்த தொடரில் இருந்து விலகுவதாக தகவல் வெளியாகியுள்ளது. அதாவது ஆப்கானிஸ்தானுக்கு எதிரான முதல் டி20 போட்டியில் விராட் கோலி தனது தனிப்பட்ட காரணங்களுக்காக விலகுவதாக பயிற்சியாளர் ராகுல் டிராவிட் தெரிவித்துள்ளார்.
