2023-24 நிதியாண்டிற்கான மொத்த வரவு-செலவுத் திட்ட மதிப்பீடுகளில் 10.01.2024 வரை 80.61% நேரடி வரி வசூல் செய்யப்பட்டுள்ளது என மத்திய நிதித்துறை தெரிவித்துள்ளது.
இது குறித்து வெளியிட்டுள்ள செய்திக்குறிப்பில்,
2024, ஜனவரி 10 வரையிலான நேரடி வரி வசூலின் தற்காலிக புள்ளிவிவரங்கள் தொடர்ந்து நிலையான வளர்ச்சியைப் பதிவு செய்து வருகின்றன. 2024 ஜனவரி 10 வரை மொத்த நேரடி வரி வசூல் ரூ.17.18 லட்சம் கோடியாக உள்ளது.
இது கடந்த ஆண்டின் இதே காலத்தின் மொத்த வசூலை விட 16.77% அதிகமாகும். திருப்பித் தரும் நிகர வரியையும் சேர்த்து நேரடி வரி வசூல், 14.70 லட்சம் கோடி ரூபாயாக உள்ளது. இது, கடந்த ஆண்டின் இதே காலகட்டத்தின் நிகர வசூலை விட, 19.41 சதவீதம் அதிகமாகும். 2023-24 நிதியாண்டிற்கான நேரடி வரிகளின் மொத்த வரவு செலவுத் திட்ட மதிப்பீட்டில் இது 80.61% ஆகும்.
மொத்த வரி வசூலில், கார்ப்பரேட் வருமான வரியின் வளர்ச்சி விகிதம் 8.32% ஆகவும், தனிநபர் வருமான வரியின் வளர்ச்சி விகிதம் 26.11% ஆகவும் உள்ளது.
பணத்தைத் திரும்பப் பெற்ற பிறகு, கார்ப்பரேட் வருமான வரி சேகரிப்புகளில் நிகர வளர்ச்சி 12.37% ஆகவும், தனிநபர் வருமான வரி சேகரிப்புகளில் 27.26% ஆகவும் உள்ளது.
2023 ஏப்ரல் 1 முதல் 2024 ஜனவரி 10 வரை ரூ.2.48 லட்சம் கோடி வரி வசூலில் கூடுதல் தொகை திருப்பி வழங்கப்பட்டுள்ளது.
