காஷ்மீரில் நிலவும் கடுமையான பனிப்பொழிவால், திரும்பும் திசையெங்கும் வீடுகள், சாலைகள், வாகனங்கள் என அனைத்தும் வெண்போர்வை போர்த்தியது போல் ரம்மியமாக காட்சியளிக்கிறது.
காஷ்மீர், உத்தரகாண்ட், இமாச்சல பிரதேசம் போன்ற மலைப்பிராந்திய மாநிலங்களில் பனிப்பொழிவு மற்றும் குளிரின் தாக்கம் அதிகரித்துள்ளது. காஷ்மீரின் சில பகுதிகளில், திரும்பும் திசையெங்கும் வெள்ளைப் போர்வை போர்த்தியது போல் பனி படர்ந்து உள்ளது.
காஷ்மீரில் இம்முறை பனிப்பொழிவு தாமதமாக தொடங்கி உள்ளது. கடந்த இரண்டு மாதங்களாக வறண்ட வானிலை காணப்பட்ட நிலையில், தற்போது பனிப்பொழிவு அதிகரித்துள்ளது.
காஷ்மீரின் ரம்பன் மாவட்டத்தில் திரும்பும் திசையெங்கும் வீடுகள், சாலைகள், வாகனங்கள், தாவரங்கள் உட்பட அனைத்தும் வெண்போர்வை போர்த்தியது போல் பனி படர்ந்து ரம்மியமாக காட்சியளிக்கிறது. கடுமையான பனிப்பொழிவு நிலவுவதால், மக்கள் வீடுகளிலேயே முடங்கி உள்ளனர்.
சுற்றுலா நகரங்களான குப்வாரா, பந்திபோரா, பாரமுல்லா, குல்மார்க், அனந்த்நாக், சோபியான், ஸ்ரீநகர் என காஷ்மீரின் பெரும்பாலான மாவட்டங்களிலும் பனிப்பொழிவு காணப்படுகிறது. பெரும்பாலான சாலைகள் பனியால் மூடப்பட்டு உள்ளதால், போக்குவரத்து பாதிக்கப்பட்டுள்ளது.
