இந்தியாவில் நடைபெற்று வரும் புரோ கபடி தொடரில் நேற்றையப் போட்டியில் பெங்கால் வாரியர்ஸ் அணி மற்றும் ஹரியானா ஸ்டீலர்ஸ் அணி வெற்றி பெற்றது.
இந்தியாவில் உள்ள மாநிலங்களுக்கு இடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளன.
இந்நிலையில் நேற்று இரண்டு போட்டிகள் நடைபெற்றது . முதல் போட்டி பீகாரில் இரவு 8 மணிக்கு நடைபெற்றது. இந்தப் போட்டியில் தபாங் டெல்லி – பெங்கால் வாரியர்ஸ் அணிகள் விளையாடின.
விறுவிறுப்பாக நடைபெற்ற இந்த ஆட்டத்தில் பெங்கால் வாரியர்ஸ் அணி 45-38 என்ற கோல் கணக்கில் டெல்லி அணியை வீழ்த்தி அபார வெற்றி பெற்றது.
இந்த வெற்றியின் மூலம் பெங்கால் வாரியர்ஸ் அணி புள்ளிப்பட்டியலில் மூன்று இடங்கள் முன்னேறி 7-வது இடத்தில் உள்ளது.
மற்றொரு போட்டியில் குஜராத் ஜெயண்ட்ஸ் – ஹரியானா ஸ்டீலர்ஸ் அணிகள் மோதின. பரபரப்பாக நடைபெற்ற இந்தப் போட்டியில் ஹரியானா ஸ்டீலர்ஸ் அணி 34-30 என்ற புள்ளிகணக்கில் வெற்றி பெற்றது.
இந்த வெற்றியின் மூலம் ஹரியானா ஸ்டீலர்ஸ் அணி ஒரு இடம் முன்னேறி நான்காவது இடத்திற்கு சென்றுள்ளது. அதேபோல் 8-வது இடத்தில் இருந்த தமிழ் தலைவாஸ் அணி தற்போது 9-வது இடத்திற்கு சரிந்துள்ளது.
