இந்தியாவில் நடைபெற்று வரும் புரோ கபடி தொடரில் இன்றைய முதல் போட்டியில் யு மும்பா – உ.பி. யோதாஸ் அணிகளும், இரண்டாவது போட்டியில் தபாங் டெல்லி – தெலுங்கு டைட்டன்ஸ் அணிகளும் விளையாடவுள்ளன.
மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன. பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளன.
இந்நிலையில் இன்று இரண்டு போட்டிகள் நடைபெறவுள்ளது. முதல் போட்டி டெல்லியில் இரவு 8 மணிக்கு நடைபெறவுள்ளது. இதில் யு மும்பா – உ.பி. யோதாஸ் அணிகள் விளையாடவுள்ளன. யு மும்பா அணி புள்ளிபட்டியலில் பத்தாவது இடத்தில் உள்ளது. உ.பி. யோதாஸ் பதினோராவது இடத்தில் உள்ளது.
இந்த இரண்டு அணிகளும் பலம் குன்றிய அணி என்பதால் எந்த அணி வெற்றி பெறும் என்று ஊகிக்க முடியாமால் உள்ளது. மற்றொரு போட்டி டெல்லியில் இரவு 9 மணிக்கு நடைபெறவுள்ளது. இதில் தபாங் டெல்லி – தெலுங்கு டைட்டன்ஸ் அணிகள் விளையாடவுள்ளது.
தபாங் டெல்லி அணி புள்ளிபட்டியலில் மூன்றாவது இடத்தில் உள்ளது. தெலுங்கு டைட்டன்ஸ் அணி கடைசி இடமான பன்னிரெண்டாவது இடத்தில் உள்ளது. இதில் தெலுங்கு டைட்டன்ஸ் அணியை விட டெல்லி தபாங் அணி வலுவான அணி என்பதால் இந்தப் போட்டியில் டெல்லி தபாங் அணி வெற்றி பெற அதிக வாய்ப்பு உள்ளது.
