இந்தியாவில் நடைபெற்று வரும் புரோ கபடி தொடரில் இன்றைய முதல் போட்டியில் பாட்னா பைரேட்ஸ் – யு மும்பா ணிகளும், இரண்டாவது போட்டியில் பெங்கால் வாரியர்ஸ் – தெலுங்கு டைட்டன்ஸ் அணிகளும் விளையாடவுள்ளன.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளன.
இந்நிலையில் இன்று இரண்டு போட்டிகள் நடைபெறவுள்ளது. முதல் போட்டி கல்கத்தாவில் இரவு 8 மணிக்கு நடைபெறவுள்ளது. இதில் பாட்னா பைரேட்ஸ் – யு மும்பா விளையாடவுள்ளது.
இதில் பாட்னா பைரேட்ஸ் அணி புள்ளி பட்டியலில் ஆறாவது இடத்தில் உள்ளது. யு மும்பா புள்ளி பட்டியலில் பத்தாவது இடத்தில் உள்ளது. இந்த இரண்டு அணிகளில் யு மும்பா அணியை விட பாட்னா பைரேட்ஸ் அணி பலம் வாய்ந்த அணி என்பதால் இந்தப் போட்டியில் பாட்னா பைரேட்ஸ் அணியே வெற்றி பெறும் என்று எதிர்பார்க்கப்படுகிறது.
இதைத் தொடர்ந்து மற்றொரு போட்டி இரவு 9 மணிக்கு நடைபெறவுள்ளது. இதில் பெங்கால் வாரியர்ஸ் – தெலுங்கு டைட்டன்ஸ் அணிகள் விளையாடவுள்ளன. இந்த இரண்டு அணிகளில் தெலுங்கு டைட்டன்ஸ் புள்ளி பட்டியலில் கடைசி இடமான 12வது இடத்தில் உள்ளது. பெங்கால் வாரியர்ஸ் அணி ஒன்பதாவது இடத்தில் உள்ளது.
இந்த இரு அணிகளும் சம நிலையில் உள்ளதால் எந்த அணி வெற்றி பெறும் என்று யூகிக்க முடியாமல் உள்ளது.
