அமெரிக்காவின் கலிபோர்னியாவில் வசித்து வந்த இந்திய வம்சாவளி தம்பதியும் அவர்களது இரட்டைக் குழந்தைகளும் மர்மமான முறையில் உயிரிழந்து கிடந்தனர். இது கொலையா அல்லது தற்கொலையா என்பது குறித்து போலீசார் விசாரணை நடத்தி வருகின்றனர்.
கேரளா மாநிலம் கொல்லம் பகுதியைச் சேர்ந்தவர் ஆனந்த் சுஜித் ஹென்றி 42, அவரது மனைவி அலிஸ் பிரியங்கா 40. கடந்த 9 ஆண்டுகளாக அமெரிக்காவில் வசித்து வந்தனர். சுஜித் ஹென்றி பிரபல நிறுவனத்தில் சாப்ட்வேர் என்ஜினீயராக வேலை பார்த்து வந்தார். அலிஸ் பிரியங்காவும் பணிபுரிந்து வந்தார். இவர்களுக்கு நோவா மற்றும் நாதன் என இரட்டை ஆண் குழந்தைகள் உள்ளன.
இந்நிலையில், கடந்த செவ்வாய்க்கிழமை சுஜித் ஹென்றி, அலிஸ் பிரியங்கா ஆகியோர் வீட்டில் மர்மமான முறையில் இறந்து கிடந்தனர். சுஜித் ஹென்றி, அலைஸ் பிரியங்கா ஆகிய இருவரின் உடலிலும் துப்பாக்கியால் சுடப்பட்ட காயங்கள் இருந்தன. மேலும், இரண்டு குழந்தைகளும் படுக்கை அறைக்குள் இறந்து கிடந்தது கண்டுபிடிக்கப்பட்டது. அவர்களின் இறப்புக்கான காரணம் குறித்து போலீசார் விசாரணை நடத்தி வருகின்றனர்.
