குஜராத்தில் அமைக்கப்பட்டுள்ள சர்தார் வல்லபாய் படேலின் ஒற்றுமை சிலை, ஒரு பொறியியல் அதிசயம் என்று மைக்ரோசாஃப்ட் நிறுவனத்தின் இணை நிறுவனர் பில்கேட்ஸ் பாராட்டு தெரிவித்துள்ளார்.
இந்தியாவில் சுற்றுப் பயணம் மேற்கொண்டு வரும் பில் கேட்ஸ், பிரதமர் மோடி கேட்டுக்கொண்டதற்கு இணங்க குஜராத்தின் நர்மதா மாவட்டத்தில் உள்ள சர்தார் வல்லபாய் படேலின் ஒற்றுமை சிலையைப் இன்று பார்வையிட்டார்.
இது குறித்து பில்கேட்ஸ் பார்வையாளர்களின் நாட்குறிப்பில் “ஒரு நம்பமுடியாத பொறியியல் சாதனை! மிகவும் அழகானது! சர்தார் படேலுக்கு ஒரு பெரிய அஞ்சலி, உங்கள் விருந்தோம்பலுக்கு நன்றி!” என எழுதியுள்ளார்.
இதனையடுத்து அவர் வெளியிட்டுள்ள எக்ஸ் பதிவில்,
Thank you @narendramodi for the invitation to visit the impressive Statue of Unity. It is an engineering marvel and a great tribute to Sardar Patel. Also great to see it is creating economic opportunity for local tribal communities, especially women. https://t.co/gJlJxlDW4U
— Bill Gates (@BillGates) March 2, 2024
“ஈர்க்கக்கூடிய ஒற்றுமை சிலையைப் பார்வையிட அழைத்ததற்காக பிரதமர் மோடிக்கு நன்றி. இது ஒரு பொறியியல் அதிசயம். அதோடு, சர்தார் பட்டேலுக்கு ஒரு பெரிய அஞ்சலி. இது உள்ளூர் பழங்குடி சமூகங்களுக்கு, குறிப்பாக பெண்களுக்கு பொருளாதார வாய்ப்பை உருவாக்குவதைப் பார்ப்பது மகிழ்ச்சி அளிக்கிறது” என்று தெரிவித்துள்ளார். மேலும், அந்த பதிவில், ஒற்றுமை சிலை முன்பாக எடுத்துக்கொண்ட புகைப்படங்களையும் அவர் பகிர்ந்துள்ளார்.
