சத்தீஸ்கர், மேகாலயாவில் அடுத்தடுத்து நிலநடுக்கம்!

மேகாலயாவில் இன்று 3.0 ரிக்டர் அளவில் நிலநடுக்கம் ஏற்பட்டதாக தேசிய நில அதிர்வு மையம் தெரிவித்துள்ளது.

மேகாலயாவில் இன்று மாலை 5.41 மணிக்கு நிலநடுக்கம் உணரப்பட்டது. நோங்போவின் மேற்கு பகுதியில் சுமார் 57 கிலோமீட்டர் தொலைவில் நிலநடுக்கம் ஏற்பட்டது. இது ரிக்டர் அளவுகோலில் 3.0 ஆக பதிவானது.

இந்த நிலநடுக்கம் பூமிக்கடியில், 5 கிலோமீட்டர் ஆழத்தில் மையம் கொண்டு ஏற்பட்டதாக தேசிய நில அதிர்வு மையம் தெரிவித்துள்ளது.

நோங்போ மற்றும் சுற்றுவட்டாரப் பகுதிகளில், நிலநடுக்கத்தின் அதிர்வுகள் உணரப்பட்டன. இதனால், அச்சமடைந்த மக்கள் தங்கள் வீடுகளை விட்டு வெளியேறி சாலைகளில் தஞ்சமடைந்தனர்.

முன்னதாக, சத்தீஸ்கரில் இன்று மதியம் 2.52 மணிக்கு, 3.3 ரிக்டர் அளவில் நிலநடுக்கம் ஏற்பட்டது. நிலநடுக்கத்தின் அதிர்வுகள் அம்பிகாபூர் மற்றும் சுற்றுவட்டாரப் பகுதிகளில் உணரப்பட்டது.

இந்த நிலநடுக்கத்தால், ஏற்பட்ட பாதிப்புகள் குறித்து உடனடி தகவல் வெளியாகவில்லை.