ராயல் சேலஞ்சர்ஸ் பெங்களூரு அணி தொடர் தோல்வி!

ஐபிஎல் தொடரின் 15-வது போட்டியில் லக்னோ சூப்பர் ஜென்ட்ஸ் அணி 28 ரன்கள் வித்தியாசத்தில் ராயல் சேலஞ்சர்ஸ் பெங்களூரு அணியை வீழ்த்தியது.

இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.

இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்துக் கொண்டுள்ளன.

இந்த தொடரின் 15வது போட்டி நேற்று பெங்களூருவில் உள்ள எம். சின்னசாமி மைதானத்தில் நடைபெற்றது. இதில் ராயல் சேலஞ்சர்ஸ் பெங்களூரு மற்றும் லக்னோ சூப்பர் ஜென்ட்ஸ் அணிகள் விளையாடியது.

இதில் டாஸ் வென்ற ராயல் சேலஞ்சர்ஸ் பெங்களூரு அணி முதலில் பந்துவீச்சை தேர்வு செய்துள்ளது. அதன்படி பேட்டிங் செய்த லக்னோ சூப்பர் ஜென்ட்ஸ் அணி 20 ஓவர்கள் முடிவில் 5 விக்கெட்கள் இழப்பிற்கு 181 ரன்களை எடுத்தது.

இதில் அதிகபட்சமாக தொடக்க வீரராக களமிறங்கிய குவின்டன் டி காக் 8 பௌண்டரீஸ் மற்றும் 5 சிக்சர்கள் என மொத்தமாக 81 ரன்களை எடுத்து ஆட்டமிழந்தார்.

மற்றொரு தொடக்க வீரரான கேப்டன் கே.எல்.ராகுல் 20 ரன்களில் ஆட்டமிழந்தார். பின்னர் களமிறங்கிய மார்கஸ் ஸ்டோய்னிஸ் 24 ரன்களில் ஆட்டமிழக்க, நிக்கோலஸ் பூரன் 40 ரன்களை எடுத்து கடைசிவரை ஆட்டமிழக்காமல் இருந்தார்.

இதனால் லக்னோ சூப்பர் ஜென்ட்ஸ் அணி 20 ஓவர்கள் முடிவில் 5 விக்கெட்கள் இழப்பிற்கு 181 ரன்களை எடுத்தது. ராயல் சேலஞ்சர்ஸ் பெங்களூரு அணியில் அதிகபட்சமாக கிளென் மாக்சுவெல் 2 விக்கெட்களை வீழ்த்தினார்.

இதை தொடர்ந்து களமிறங்கிய ராயல் சேலஞ்சர்ஸ் பெங்களூரு அணி 19.4 வது ஓவரில் அனைத்து விக்கெட்களையும் இழந்து 153 ரன்களை மட்டுமே எடுத்தது.

ராயல் சேலஞ்சர்ஸ் பெங்களூரு அணியில் அதிகபட்சமாக மஹிபால் 33 ரன்களை எடுத்து ஆட்டமிழக்க, ரஜத் படிதார் 29 ரன்களும், விராட் கோலி 22 ரன்களும், பாஃப் டு பிளெசீ 19 ரன்களும் எடுத்து ஆட்டமிழந்தனர்.

லக்னோ சூப்பர் ஜென்ட்ஸ் அணியில் அதிகபட்சமாக மயங்க் யாதவ் 3 விக்கெட்களை வீழ்த்தி அசத்தினார். அதேபோல் நவீன்-உல்-ஹக் 2 விக்கெட்களை வீழ்த்தினார். மேலும் சித்தார்த், யாஷ் தாக்கூர், மார்கஸ் ஸ்டோய்னிஸ் ஆகியோர் தலா 1 விக்கெட்டை வீழ்த்தினர்.

இதனால் லக்னோ சூப்பர் ஜென்ட்ஸ் அணி 28 ரன்கள் வித்தியாசத்தில் வெற்றி பெற்றுள்ளது. அதேபோல் இந்த போட்டியில் ஆட்டநாயகன் விருது 3 விக்கெட்களை வீழ்த்திய மயங்க் யாதவிற்கு வழங்கப்பட்டது.