பிரதமர் மோடி அரசின் சாதனைகள் : புதிய பிரச்சார பாடலை வெளியிட்டது பாஜக!

அயோத்தி ராமர் கோவில், வந்தே பாரத் ரயில் உள்ளிட்ட பிரதமர் மோடி தலைமையிலான பாஜக அரசின்  சாதனைகள் அடங்கிய, புதிய பிரச்சார பாடல் வெளியாகியுள்ளது.

மக்களவைத் தேர்தல் நெருங்கி வரும் நிலையில், அரசியல் கட்சிகள் தீவிர பிரச்சாரத்தில் ஈடுபட்டுள்ளன. தங்கள் சாதனைகள் அடங்கிய பிரச்சார பாடல்களை வெளியிட்டு வருகின்றன.

அந்த வகையில், பாஜகவின் சாதனைகள் அடங்கிய புதிய பிரச்சார பாடல் இன்று வெளியிடப்பட்டுள்ளது. அதில், அயோத்தி இராமர் கோவில், வந்தே பாரத் ரயில்,  உள்ளிட்ட பாஜக அரசின் பல சாதனைத் திட்டங்கள் இடம்பெற்றுள்ளன.

भारत भूमि को मात मानकर
एक नया सवेरा लाने को,

भारत का बेटा मोदी चला
भारत का मान बढ़ाने को…#PhirEkBaarModiSarkar pic.twitter.com/ogtc6wR2iS

— BJP (@BJP4India) April 10, 2024

மேலும், புதிய பாராளுமன்ற கட்டடத்தில் செங்கோல் நிறுவியது, நிலவின் தென் துருவத்தில் சந்திரயானை வெற்றிகரமாக தரையிறக்கியது உட்பட பல்வேறு துறைகளில் இந்தியாவின் சாதனைகளும் அந்த காணொலியில் இடம்பெற்றுள்ளது.

இந்த பாடல் 12 இந்திய மொழிகளில் பாடப்பட்டு உள்ளது. தேசத்தின் ஒவ்வொரு மூலையில் இருந்தும் பலதரப்பட்ட பின்னணியில் உள்ளவர்கள் எல்லா மொழிகளிலும் பேசுபவர்கள் ஒருமித்த குரலில் ஒன்றை சொல்கிறார்கள். 2014-ஆம் ஆண்டு ஆட்சிக்கு வந்ததில் இருந்து, மக்களின் எதிர்பார்ப்புகளை பிரதமர் மோடி எப்படி நிறைவேற்றினார் என்பதை இந்த பாடல் எடுத்துக்காட்டுகிறது.

பாஜக அரசின் கொள்கைகளால் ஊழல்வாதிகள் பயத்தில் நடுங்குவதாகவும் புதிய பிரச்சாரப் பாடலில் குறிப்பிடப்பட்டுள்ளது.  தற்போது, இந்த புதிய பிரச்சார பாடல்  சமூக  வலைதளங்களில் வேகமாக பகிரப்பட்டு வருகிறது.