ஐபிஎல் கிரிக்கெட் : இரண்டாவது வெற்றியை பதிவு செய்த டெல்லி கேபிட்டல்ஸ் அணி !

லக்னோ சூப்பர் ஜெய்ண்ட்ஸ் அணிக்கு எதிரான நேற்றையப் போட்டியில் டெல்லி கேபிட்டல்ஸ் அணி 6 விக்கெட்கள் வித்தியாசத்தில் வெற்றி பெற்றது.

இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.

இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்து கொண்டுள்ளன.

இதில் 26-வது போட்டி நேற்று லக்னோவில் உள்ள ஏகானா மைதானத்தில் நடைபெற்றது. இதில் லக்னோ சூப்பர் ஜெயண்ட்ஸ் மற்றும் டெல்லி கேபிட்டல்ஸ் அணிகள் விளையாடியது.

டாஸ் வென்ற லக்னோ சூப்பர் ஜெய்ண்ட்ஸ் அணி முதலில் பேட்டிங்கை தேர்வு செய்தது . அதன்படி முதலில் பேட்டிங் செய்த லக்னோ சூப்பர் ஜெய்ண்ட்ஸ் அணி 20 ஓவர்கள் முடிவில் 7 விக்கெட்கள் இழப்பிற்கு 167 ரன்களை எடுத்தது.

லக்னோ சூப்பர் ஜெய்ண்ட்ஸ் அணிக்கு ஆரம்பத்தில் அடுத்தடுத்து விக்கெட்கள் சரிந்துகொண்டே வந்தது. லக்னோ அணி ஒரு கட்டத்தில் 7 விக்கெட்கள் இழப்பிற்கு 94 ரன்கள் மட்டுமே எடுத்திருந்தது.

அப்போது களமிறங்கிய ஆயுஷ் பதோனி, அர்சத் கான் ஜோடி அதிரடியாக விளையாடி ரன்களை குவித்தது. இதில் ஆயுஷ் பதோனி 5 பௌண்டரீஸ் மற்றும் 1 சிக்சர் என  35 பந்துகளில் 55 ரன்களை எடுத்தது.

அதேபோல் அர்சத் கான் 20 ரன்கள் எடுத்தார். முன்னதாக களமிறங்கிய கே.எல்.ராகுல் 5 பௌண்டரீஸ் மற்றும் 1 சிக்சர் என 22 பந்துகளில் 39 ரன்களை எடுத்து ஆட்டமிழந்தார்.

இதனால் லக்னோ சூப்பர் ஜெய்ண்ட்ஸ் அணி 20 ஓவர்கள் முடிவில் 7 விக்கெட்கள் இழப்பிற்கு 167 ரன்களை எடுத்தது. டெல்லி அணியில் அதிகபட்சமாக குலதீப் யாதவ் 3 விக்கெட்களை வீழ்த்தினார். கலீல் அகமது 2 விக்கெட்களும், இஷாந்த் சர்மா மற்றும் முகேஷ் குமார் தலா 1 விக்கெட்டும் வீழ்த்தினர்.

இதைத்தொடர்ந்து 168 ரன்கள் எடுத்தால் வெற்றி என்ற இலக்குடன் களமிறங்கியது டெல்லி கேபிட்டல்ஸ் அணி. டெல்லி அணியில் தொடக்க வீரராக களமிறங்கிய டேவிட் வார்னர் 8 ரன்களில் ஆட்டமிழக்க மற்றொரு தொடக்க வீரரான பிரித்வி ஷா 32 ரன்களில் ஆட்டமிழந்தார்.

பின்னர் களமிறங்கிய ஜேக் ஃப்ரேசர்-மெக்குர்க் தனது அதிரடியான ஆட்டத்தில் 2  பௌண்டரீஸ் மற்றும் 5 சிக்சர்களுடன் 55 ரன்களை எடுத்து ஆட்டமிழந்தார்.

பின்னர் களமிறங்கிய டெல்லி கேபிட்டல்ஸ் அணியின் கேப்டன் ரிஷப் பந்த் 4 பௌண்டரீஸ் மற்றும் 2 சிக்சர்கள் என 24 பந்துகளில் 41 ரன்களை எடுத்தார்.

இதனால் டெல்லி கேபிட்டல்ஸ் அணி 18வது ஓவர் முடிவில் 4 விக்கெட்கள் இழப்பிற்கு 170 ரன்களை எடுத்து 6 விக்கெட்கள் வித்தியாசத்தில் வெற்றி பெற்றது.

இந்த போட்டியில் ஆட்டநாயகன் விருது டெல்லி கேபிட்டல்ஸ் அணியில் 3 விக்கெட்களை வீழ்த்திய குலதீப் யதாவுக்கு வழங்கப்பட்டது. மேலும் இந்த வெற்றியின் மூலம் புள்ளி பட்டியலில் கடைசி இடத்தில் இருந்த டெல்லி கேபிட்டல்ஸ் அணி 9வது இடத்திற்கு முன்னேறியுள்ளது.