தஞ்சாவூர் மாவட்டம், கடமங்குடி குடியிருப்புப் பகுதிக்குள் புகுந்த முதலையை வனத்துறையினர் பாதுகாப்பாக மீட்டனர்.
தஞ்சாவூர் மாவட்டம், கடமங்குடி கிராமத்தில் களத்தடி மேட்டு தெருவை சேர்ந்த காந்திராஜ் என்பவர் இன்று காலை தனது தோட்டத்திற்கு செல்வதற்காக வந்துள்ளார்.
அப்போது தனது வீட்டின் பின்புறம் முதலை இருப்பதைக் கண்டு அதிர்ச்சி அடைந்து மகாராஜபுரம் ஊராட்சி மன்ற தலைவருக்கு தகவல் தெரிவித்துள்ளார். உடனே ஊராட்சி மன்ற தலைவர் வனத்துறையினர் மற்றும் வருவாய் துறையினர்க்கு தகவல் கொடுத்துள்ளார்.
அதன் அடிப்படையில் வன அலுவலர் சண்முகம் தலைமையில் வன காவலர் துளசி ராஜா மற்றும் கிராம மக்கள் ஆகியோர் காந்திராஜன் வீட்டு பின்புறம் இருந்த 3 அடி முதலையை கயிறு மூலம் கட்டி அருகில் உள்ள அணைக்கரை கொள்ளிடம் ஆற்றில் விடுவதற்காக வனத்துறையினர் வேன் மூலம் முதலையை ஏற்றி பின்னர் அனணக்கரை பகுதியில் உள்ள தண்ணீரில் விட்டனர்.
