புதுச்சேரியில் பணியாற்றும் அரசு தினக்கூலி மற்றும் பகுதி நேர ஊழியர்களுக்கு 7வது ஊதியக்குழுவின்படி சம்பளத்தை முந்தேதியிட்டு உயர்த்தி புதுச்சேரி அரசு உத்தரவிட்டுள்ளது
இது குறித்து புதுச்சேரி அரசு நிதித்துறை செயலர் சிவக்குமார் பிறப்பித்த உத்தரவில் கூறப்பட்டுள்ளதாவது : புதுச்சேரி மாநில அரசுத்துறைகளில் பணியாற்றும் தினக்கூலி மற்றும் பகுதி நேர ஊழியர்களுக்கு 7 வது ஊதியக்குழுவின் பரிந்துரை ஜனவரி.1,2024 முதல் முன் தேதியிட்டு ஊதியம் உயர்த்தப்பட்டுள்ளது.
அதன்படி முழுநேர தினக்கூலி ஊழியர்களுக்கு பிரிவு 1,2 மற்றும் 3 ஊழியர்களுக்கு ரூ. 876 லிருந்து ரூ. 900 ஆகவும், பிரிவு-4 ஊழியர்களுக்கு ரூ.968 லிருந்து ரூ.995 ஆகவும், பிரிவு 5 ஊழியர்களுக்கு ரூ.1,241 லிருந்து ரூ.1,275 ஆகவும், பிரிவு 6 ஊழியர்களுக்கு ரூ.1,421 லிருந்து ரூ.1,460 ஆகவும் உயர்த்தி அறிவிக்கப்பட்டுள்ளது.
அதேபோல் பகுதி நேர ஊழியர்களுக்கான ஊதியம் ரூ.13,140 லிருந்து ரூ. 13,500 ஆக உயர்த்தி புதுச்சேரி அரசு உத்தரவிட்டுள்ளது. சமீபத்தில் அரசு ஊழியர்களுக்கான அகவிலைப்படியை மத்திய அரசு ஊழியர்களுக்கு நிகராக 46 சதவீதத்தில் இருந்து 50 ஆக உயர்த்தப்பட்டது.
