சென்னை கடற்கரை – தாம்பரம் இடையே மின்சார ரயில் ரத்து!

பராமரிப்பு பணி காரணமாக சென்னை கடற்கரை – தாம்பரம் இடையே இரவு நேர மின்சார ரயில்கள் ரத்து செய்யப்படுவதாக தெற்கு ரயில்வே அறிவித்துள்ளது.

இது குறித்து தென்னக ரயில்வே வெளியிட்டுள்ள செய்திக் குறிப்பில்,

சென்னை கடற்கரை, செங்கல்பட்டு இடையேயான ரயில்வே வழித்தடத்தில் பராமரிப்புப் பணிகள் நடைபெற இருப்பதாகவும் இதன் காரணமாக சென்னை கடற்கரை – தாம்பரம் இடையே இயங்கி வரும் இரவு நேர ரயில்கள் இன்றும், நாளையும் ரத்து செய்யப்படுவதாக தெரிவிக்கப்பட்டுள்ளது.

அதன் படி, சென்னை கடற்கரை நிலையத்திலிருந்து, தாம்பரம் வரை இரவு 9.30, 11.30, 11.59 ஆகிய நேரங்களில் வழக்கமாக இயக்கப்படும் வந்த மின்சார ரயில்கள் முழுவதுமாக ரத்து செய்யப்படுவதாக கூறப்பட்டுள்ளது.

அதே போல, இரவு 10.40, 11.20, 11.40 ஆகிய நேரங்களில் தாம்பரத்தில் இருந்து கடற்கரை இயக்கப்பட்டு வந்த மின்சார ரயில்கள் ரத்து செய்யப்படுவதாகவும் தென்னக ரயில்வே தெரிவித்துள்ளது.

மேலும், இரவு 11 மணிக்கு செங்கல்பட்டில் இருந்து கடற்கரைக்கு செல்லும் மின்சார ரயில் எழும்பூர் – கடற்கரை இடயே மட்டும் இயங்காது என்றும்,

அதே போல் இரவு 10.10 மணிக்கு செங்கல்பட்டில் இருந்து கடற்கரைக்கு வரும் மின்சார ரயில் தாம்பரம் – கடற்கரை இடையே பகுதி நேரமாக ரத்து செய்யப்படுவதாகவும் கூறியுள்ளது.

அதே போல, நாளை மற்றும் வரும் 20.ம் தேதி அதிகாலை 3.55 , 4.55 மணிக்கு சென்னை கடற்கரை முதல் செங்கல்பட்டு வரை இயங்கக் கூடிய ரயில்கள் கடற்கரை – எழும்பூர் இடையே மட்டும் ரத்து செய்யப்படுவதாக தென்னக ரயில்வே வெளியிட்ட அறிவிப்பில் தெரிவிக்கப்பட்டுள்ளது.