சிதம்பரம் அருகே அரசுப் பேருந்து மோதி இரு சக்கர வாகனத்தில் சென்ற இரு இளைஞர்கள் பலியானதைத் தொடர்ந்து, பேருந்தின் கண்ணாடிகளை கிராம மக்கள் அடித்து உடைத்தனர்.
சிதம்பரத்தை அடுத்த குத்தாபாளையம் கிராமத்தைச் சேர்ந்த கிரிவலவன் மற்றும் கலையரசன் இருவரும், கல்லூரி படிப்பை பாதியில் நிறுத்திவிட்டு தினக் கூலி வேலைக்கு சென்று வந்ததாகக் கூறப்படுகிறது.
பரங்கிப்பேட்டைக்கு வேலைக்குச் சென்று விட்டு இருவரும் இரு சக்கர வாகனத்தில் வீடு திரும்பிக் கொண்டிருந்தனர்.
அப்போது கடலூரில் இருந்து பரங்கிப்பேட்டை நோக்கி வந்த அரசு பேருந்து, அவர்களின் இரு சக்கர வாகனம் மீது மோதியது.
இதில், கிரிவலவன், கலையரசன் இருவரும் சம்பவ இடத்திலேயே பலியாகினர். பேருந்தின் ஓட்டுநரும், நடத்துனரும் தப்பி ஓடியதால் ஆத்திரமடைந்த கிராம மக்கள், போலீஸார் கண் முன்னே அரசுப் பேருந்தின் கண்ணாடிகளை உடைத்து போராட்டத்தில் ஈடுபட்டனர்.
