காவரியில் தண்ணீர் திறந்து விடுமாறு கர்நாடக அரசுக்கு தி.மு.க அரசு அழுத்தம் கொடுக்க வேண்டும் : ஓ.பன்னீர்செல்வம் வலியுறுத்தல்!

காவரியில் தண்ணீர் திறந்துவிடுமாறு கர்நாடக அரசுக்கு தி.மு.க அரசு அழுத்தம் கொடுக்க வேண்டும் என முன்னாள் முதலமைச்சர் ஓ.பன்னீர்செல்வம் தெரிவித்துள்ளார்.

இது குறித்து அவர் வெளியிட்டுள்ள அறிக்கையில், தமிழ்நாட்டிற்கு கர்நாடக அரசு தினமும் 1 டி.எம்,.சி தண்ணீரை திறந்துவிடும்படி, காவிரி ஒழுங்காற்றுக் குழு உத்தரவிட்டுள்ளது எனவும்

ஆனால் தமிழ்நாட்டிற்கு தண்ணீர் திறந்துவிட முடியாது என அம்மாநில அரசு தெரிவித்திருப்பது கடும் கண்டனத்திற்குரியது எனவும் ஓ.பன்னீர் தெரிவித்துள்ளார்.

மேலும், கர்நாடக முதலமைச்சரின் இந்த பேச்சு உச்சநீதிமன்றத்தை அவமதிக்கும் செயல் எனவும் அவர் தெரிவித்துள்ளார்.

இந்நிலையில், நீர் திறப்பது குறித்து கர்நாடக அரசிடம் பேசவோ, அழுத்தம் கொடுக்கவோ தி.மு.க அரசு முன்வராதது கடும் கண்டனத்திற்குரியது என அறிக்கையில் குறிப்பிட்டுள்ளார்.

மேலும், தமிழக அரசு இவ்வாறு மவுனம் சாதிப்பது விவசாயிகளை வஞ்சிக்கும் செயல் என தெரிவித்துள்ளார்.

தொடர்ந்து அந்த அறிக்கையில், கர்நாடக முதலமைச்சருடன், தமிழக முதலமைச்சர் உடனடியாக பேசி காவேரி ஒழுங்காற்றுக் குழுவின் உத்தரவினை நடைமுறைப்படுத்த வேண்டுமென்று என தெரிவித்துள்ளார்.