மதுபான கொள்கை முறைகேடு வழக்கில் உச்சநீதிமன்றம் ஜாமீன் வழங்கியதையடுத்து திகார் சிறையில் இருந்து கவிதா விடுதலை செய்யப்பட்டார்.
அரவிந்த் கெஜ்ரிவால் தலைமையிலான டெல்லி அரசு, கடந்த 2021ம் ஆண்டு டெல்லி மாநிலத்திற்கு புதிய மதுபான கொள்கை கொண்டுவந்தது. இதனையடுத்து தனியார் நிறுவனங்கள் டெல்லியில் மதுபான கடைகள் அமைக்க, ஆம் ஆத்மி கட்சியின் முக்கிய தலைவர்களுக்கு லஞ்சம் வழங்கப்பட்டதாக குற்றச்சாட்டு எழுந்தது.
இதுதொடர்பாக, கடந்த மார்ச் 15-ம் தேதி பாரதிய ராஷ்டிரிய சமிதி கட்சி தலைவர் சந்திரசேகர ராவின் மகளான கவிதாவை அமலாக்கத்துறையினர் கைது செய்தனர்.
இதனைத் தொடர்ந்து கவிதாவுக்கு ஜாமீன் வழங்க டெல்லி நீதிமன்றம் மறுத்த நிலையில், ஜாமீன் வழங்கக்கோரி கவிதா உச்சநீதிமன்றத்தில் முறையீடு செய்தார்.
இந்த வழக்கை விசாரித்த உச்சநீதிமன்ற நீதிபதிகள், கவிதாவுக்கு ஜாமீன் வழங்கியதையடுத்து அவர் திகார் சிறையில் இருந்து விடுதலை செய்யப்பட்டார்.
