தேசத்தின் உணர்வுகளுக்கு மதிப்பளித்து இனிவரும் காலங்களில் படங்களை பகுப்பாய்வு செய்து வெளியிடுவதாக நெட்ஃப்ளிக்ஸ் நிறுவனம் தெரிவித்துள்ளது.
அனுபவ் சின்ஹா இயக்கத்தில் நெட்ஃப்ளிக்ஸ் தளத்தில் கடந்த ஆகஸ்ட் 29ஆம் தேதி ‘ஐசி 814: தி கந்தகார் ஹைஜாக்” என்ற வெப் தொடர் வெளியானது. 1999ஆம் ஆண்டு இந்தியன் ஏர்லைன்ஸ் விமானம் பயங்கரவாதிகளால் கடத்தப்பட்ட சம்பவத்தை அடிப்படையாக கொண்டு எடுக்கப்பட்ட இந்த தொடரில், பயங்கரவாதிகளுக்கு இந்து பெயர் சூட்டப்பட்டுள்ளதாக சர்ச்சை கிளம்பியது.
இதுகுறித்து விளக்கம் கோரி நெட்ஃப்ளிக்ஸ் இந்தியாவின் தலைவர் மோனிகா ஷெர்கில்லுக்கு மத்திய தகவல் மற்றும் ஒலிபரப்பு அமைச்சகம் சம்மன் அனுப்பியது. இதனையடுத்து நேரில் ஆஜரான மோனிஷா ஷெர்கில், இனிவரும் காலங்களில் தேசத்தின் உணர்வுகளுக்கு மதிப்பளித்து படங்களை பகுப்பாய்வு செய்து வெளியிட உள்ளதாக விளக்கம் அளித்தார்.
