நடிகர் விஜய்யின் GOAT திரைப்படத்திற்கு அதிகாலை 4 மணி சிறப்பு காட்சிக்கு அனுமதி வழங்க வேண்டுமென, தமிழக அரசுக்கு, தயாரிப்பு நிறுவனம் கோரிக்கை விடுத்துள்ளது.
நடிகர் விஜய் நடிப்பில், வெங்கட் பிரபு இயக்கத்தில் உருவாகியிருக்கும் GOAT திரைப்படம் நாளை மறுநாள் வெளியாக உள்ளது. சுமார் 400 கோடி ரூபாய் பட்ஜெட்டில் உருவாகியிருக்கும் இத்திரைப்படத்தில் பிரசாந்த், பிரபுதேவா, மோகன், ஸ்னேகா, மீனாட்சி செளத்ரி, லைலா உள்ளிட்ட பலர் நடித்துள்ளனர்.
பெரும் எதிர்பார்ப்புடன் வெளியாக இருக்கும் இத்திரைப்படத்திற்கு அதிகாலை சிறப்பு காட்சிக்கு அனுமதி கிடைக்குமா? என்று ரசிகர்கள் பெரிதும் எதிர்பார்த்து காத்திருக்கின்றனர்.
துணிவு படத்தின் அதிகாலை காட்சியின்போது ஏற்பட்ட அசம்பாவிதத்தைத் தொடர்ந்து, அதிகாலை 4, 7, 8 மணி சிறப்பு காட்சிகளுக்கான அனுமதியை தமிழக அரசு நிறுத்தியது.
காலை 9 மணி சிறப்பு காட்சிக்கு மட்டுமே அனுமதி வழங்கப்பட்டது. இந்நிலையில் GOAT திரைப்படத்திற்கு அதிகாலை 4 மணி சிறப்பு காட்சிக்கு அனுமதி வழங்க வேண்டுமென, தமிழக அரசுக்கு, ஏ.ஜி.எஸ். எண்டர்டெயின்மென்ட் நிறுவனம் தரப்பில் கோரிக்கை விடுக்கப்பட்டுள்ளது.
