சபாநாயகர் அப்பாவு வரும் 13ஆம் தேதி நேரில் ஆஜராக வேண்டும் – அவதூறு வழக்கில் சிறப்பு நீதிமன்றம் உத்தரவு!

அவதூறு வழக்கில் செப்டம்பர் 13ஆம் தேதி நேரில் ஆஜராகும் படி சபாநாயகர் அப்பாவுவிற்கு சென்னை சிறப்பு நீதிமன்றம் உத்தரவிட்டுள்ளது.

சென்னையில் நடைபெற்ற புத்தக வெளியீட்டு விழாவில், அதிமுக எம்எல்ஏக்களுக்கு களங்கம் ஏற்படுத்தும் வகையில் சபாநாயகர் அப்பாவு பேசியதாக வழக்கு தொடரப்பட்டது.

இவ்வழக்கு தொடர்பாக நீதிமன்றம் சம்மன் அனுப்பியும், சபாநாயகர் பெற மறுத்ததாக  கூறப்படுகிறது.  இதையடுத்து, வழக்கு விசாரணை நடைபெறும் செப்டம்பர் 13ஆம் தேதி, சபாநாயகர் அப்பாவு நேரில் ஆஜராகும்படி சென்னை சிறப்பு நீதிமன்றம் உத்தரவிட்டது.